________________ अह लुंपगस्सरूवं 1 तप्पहपत्ती वि 2 तस्स उवएसो 3 / / सिद्धतेति 4 चउक्कं विआरणिज्जं कमेणेवं - // 690 // णणु पुच्छामो अम्हे तुम्हे जिणधम्मिआ व सिवधम्मा? / अहवा दोहि वि भिण्णा वत्तव्वा वा अवत्तव्वा ? // 691 // जिणधम्मिआ य तित्थे अच्छिन्ने हुंति सूरिसंताणा / तं तुम्हाण वि वायामित्तेण वि मत्थए सूलं // 692 // सिवधम्मिआ य हरिहरबंभाईणं हवंति भत्तिजुआ। तं पि अणिटुं तुम्हं तम्हा तइए अवत्तव्वा // 693 // तेणमवलाववयणं जुत्तं तुम्हाण धम्मदायाणं / उवएसवेसमूलाणं (ण हु ) लुंपगभाणगाणं पि // 694 // एवं गुणनिप्फण्णं नामं तुम्हाण तुम्ह वयणेणं। . अव्वत्तावत्तव्वा तुम्हे सेसा अवत्तव्वा . // 695 // पणु तुम्हाणं धम्मो सुअधम्मो किमुअ दिट्ठधम्मो वा? / पढमो सुअधम्माओ गुरुओ न य असुअधम्मा वि // 696 // जमसुच्चाकेवलिणो धम्मुवएसं न दिति न य धम्मं / . सुच्चाकेवलिणो पुण दिसंति धम्मोवएसाइ // 697 // इअ पंचमंगभणिअं लुपगमूलम्मि तुम्ह धम्मम्मि / नों संभविज्ज एवं सेसाण कुर्वक्खिआणं पि // 698 // जइ तुहहिमओ धम्मो दिट्ठो सिद्धंतपुत्थए अस्थि / ता तइ वि पुत्थयं खलु अण्णेसि दंसणिज्जं ति // 699 // न य वायामित्तेण वि कप्पइ वोत्तुं पि कस्सई पुरओ। जइ ते धम्मो पुत्था कहं न अण्णेसिमवि हुज्जा ? // 690 // गब्भयइत्थी गब्भं धरेइ नन्ना वि सुंदरीव सुरी। थणपाणं जीइ कयं सा सावच्चं पि कारिज्जा // 701 // - . 417
