________________ इअ चे धुवंकरूवा पढमा इरिया विगप्पिअ त्ति तुहं / इरिआजुगं पि जुग्गं धुवंकचाए पमाणं किं ? // 545 // तम्हा पढमा पेढिअकप्पा कप्पद्रुमोवमा इरिआ। सा पुण पच्छाइरिआ गमणनिवित्तीअ पडिकमणं // 546 // जइ वि सुपासे तिफणा नव पासे ऊणमहिअमवि कमसो। तह वि सुपासा पासे ठवणं अजहापर्य पि भवे // 547 // एवं अजहट्ठाणं उस्सुत्तं दंसि समासेण। एअं सुत्ते किरिआविसयं तिविहं पि निद्दिटुं // 548 // अह पुण उवएसविसयमुस्सुत्तं बीअमेव दुविगप्पं / उम्मग्गदेसणा मग्गनासणा तं पि दंसेमि // 549 // अहिअं उवएसंतो पढमे भंगे अ ऊणमवि बीए। किरिआओऽणंतगुणं पावयरं वयणविसयं ते // 550 // अथवा थीणं जिणवरपूआपडिसेहगं अतित्थं पि। तित्थं तिअ भासंतो उम्मग्गपरूवगो पावो // 551 // तित्थं पुण अच्छिनं थीजिणपूआपरूवगं भरहे। तं पि न तित्थं ति वयं भासंतो मग्गनासयरो . // 552 // लोइअमिच्छत्ताओऽणंतगुणं मग्गनासणाइवयं / पावं तित्थच्चाए तुल्ले वि अ तावया अहिअं . // 553 // जम्हा उ संकिलिट्ठोऽभिनिवेसी होइ तित्थपडिकूले। लोओ उ भणइ तित्थं तित्थं खलु तित्थअणुकूलो / // 554 // तेणं तब्भवसिद्धी लब्भइ परतित्थिएसु न वियऽवत्ते / इअ मुणिअ हुंतु भव्वा भद्दपया तित्थभत्तिवया // 555 // एवं कुवक्खकोसिअसहस्सकिरणम्मि उदयमावण्णे। चक्खुप्पहावरहिओ कहिओ तइओ खरयो वि // 556 // 404
