________________ हरिभद्देण वि भणिअंगणहरवयणं महानिसीहं तं / कहमित्थमसद्दहणं अम्हाणं सम्मयं समए // 271 // हरिभद्दस्स वि देसे न सम्मंसद्दहणवयणसवणेणं / जह सयलं परिचत्तं महानिसीहं महासुत्तं // 272 / / तह अम्हाण वि वयणं तस्स वि तित्थस्स सम्मयं सुणिउं। पडिवज्जसु तं सुत्तं सेसमसेसं व जहइच्छं // 273 // हरिभदं पि पमाणं भणिऊण महानिसीहमपमाणं / जो भासइ सो मायामेवंझानायमावण्णो // 274 // नणु उवहाणाभावे मंगलमाईण जं च अज्झयणं / जिणवरपमुहासायण अणंतसंसारयाहेऊ / // 275 // जइ एअंपि अ वयणं सम्मं ता निअमणंतसंसारी / सव्वो सावयवग्गो चउपंचविवज्जिओ हुज्जा // 276 // तेणं खलु तं सुत्तं अपमाणं अम्हमेस संकप्पो। इअ चे पवयणपरमत्थसुण्णचित्तस्स चिट्टेअं // 277 // जमिणं दुवालसंगं गणिपिडगं पाणिणो अणाणाए / पुहवाइविरहित्ता भमंतऽणंते भवे घोरे // 278 // आयारो खलु आणा तत्थ वि उवहाणमिह महायारो। तयभावे जाऽणाणा महई आसायणा समए . // 279 // तेणं तीए जुत्तं अणंतभवभमणमेव जीवाणं। . जं दीसइ अज्झयणं विणा वि तं तत्थिमं वुच्छं // 280 // उवहाणवहणआसाजुत्ताणं जुत्तमेव अज्झयणं / जह जा छज्जीवणि अहिज्ज पव्वज्जआसाए // 281 // जं जीए किरिआए उवओगी तं तयट्ठमाणन्ति। तेणमुवहाणजोग्गं अहिज्ज अब्भासबुद्धीए // 282 // 381
