________________ भरहे अद्धिनेमी एरवए अग्गिसेणजिणचंदो / एगसमएण जाया दस वि जिणा चित्तजोगम्मि // 335 // पासो य भरहवासे, एरवए अग्गिदत्तजिणचंदो / एगसमएण जाया दस वि विसाहाहि जोगम्मि // 336 // भरहे वीरजिणिदो, एरवए वारिसेणजिणचंदो। हत्थुत्तराहिं जोगे जाया तित्थंकरा दस वि - // 337 // एवं भणिया जम्मा दससु वि खेत्तेसु जिणवरिंदाणं / एत्तो परं तु वोच्छं वण्णविभागं समासेणं // 338 // चत्तारि कालगा जिणवरा उ, चउरो पियंगुवण्णाभा / चत्तारि पउमगोरा, ससिप्पभा होति चत्तारि . // 339 // वरकणगतवियवण्णा बत्तीसं सेसगा जिणवरिंदा / भरहे एरवए वा दससु वि खेत्तेसु जिणचंदा // 340 // मुणिसुव्वओ य भरहे, एरवयम्मि य धरो य सामलगा। . भरहे अरिटुनेमी, एरवए अग्गिसेणो त्ति . // 341 // चउसु वि एरवएसुं एवं चउसु वि य भरहवासेसु। . सोलस वि सामलंगा जिणचंदा होंति नायव्वा // 342 // पासो य अग्गिदत्तो, मल्ली मरुदेविकेवली चेव। एते चत्तारि जिणा पियंगुसामा मुणेयव्वा ... // 343 // पंचसु एरवएसुं एवं पंचसु वि भरहवासेसु। वीसं पियंगुवण्णा अहेसि ओसप्पिणीए जिणा // 344 // पउमप्पभो य भरहे, वयधारिजिणो य एरवयवासे / भरहम्मि वासुपुज्जो, सेज्जंसो तह य एवए // 345 // चउसु वि एरवएसुं एवं चउसु वि य भरहवासेसु / एते वीस जिणिंदा बंधूकुसुमप्पभा नेया / // 346 // . 85
