________________ वाससए वाससए एक्कक्के अवहडम्मि जो कालो। सो कालो बोधव्वो उवमा एक्कस्स पल्लस्स . // 12 // एतेसिं पल्लाणं कोडाकोडी हवेज्ज दसगुणिया। ... तं सागरोवमस्स उ एक्कस्स भवे परीमाणं .. // 13 // दस कोडाकोडीओ सागरनामाण हुंति पुण्णाओ। ओसप्पिणीपमाणं तं चेवुस्सप्पिणीए वि // 14 // ओसप्पिणी य उस्सप्पिणी य दोन्नि वि अणाइनिहणाओ। न वि होही अतिकालो, न वि होही सव्वसंखेवो // 15 // ते चेव कालसमया, तासि वोच्छामहं समासेणं / ओसप्पिणि अणुलोमा, पडिलोमुस्सप्पिणी भणिया // 16 // छ च्चेव कालसमया हवंति ओसप्पिणीए भरहम्मि। .. तासिं नामविभत्तिं अहक्कम कित्तइस्सामि // 17 // सुसमसुसमा य 1 सुसमा 2 तइया पुण सुसमदूसमा होइ 3 / दूसमसुसम चउत्थी 4 दूसम 5 अतिदूसमा छट्ठी 6 // 18 // एते चेव विभागा नवरं उस्सप्पिणीए छ च्चेव / पडिलोमा परिवाडी एतेसि होइ नायव्वा // 19 // सुसमसुसमाए कालो चत्तारि हवंति कोडिकोडीओ 1 / / तिन्नि सुसमाए कालो 2 दो सुसमदूसमाए उ 3 // 20 // एक्का कोडाकोडी बायालीसाए तह सहस्सेहिं / वासाण होइ ऊणा दूसमसुसमाए सो कालो 4 // 21 // अह दूसमाए कालो वाससहस्साई एक्कवीसं तु 5 / . तावइओ चेव भवे कालो अइदूसमाए वि 6 // 22 // नवसागरोवमाणं कोडाकोडीओ होंति दुगुणाओ। जा होइ (? 5)कम्मभूमी भरहेरवएसु वासेसु . // 23 // 58
