________________ जे भूय-भविस्स-भवंति भाव सब्भावभावणपरेण / नाणेण जेण जाणसि, भन्नसि तं तेण सव्वन्नू // 18 // ते कसिणभुयणभवणोयरि ट्ठिया नियनियस्सरूवेण / सामन्नओऽवलोयसि, तेण तुमं सव्वदरिसि त्ति // 19 // पारं कम्मस्स भवस्स वा वि सुयजलहिणो व नेयस्स / सव्वस्स गओ जेणं, भन्नसि तं पारगो तेण // 20 // पच्चुप्पन्न-अणागय-तीयद्धावत्तिणो पयत्था जे / करयलकलियाऽऽमलय व्व मुणसि, तिक्कालविउ तेण // 21 // नाहो सि नाहऽनाहाण. भीमभवगहणमज्झवडियाण / उवएसदाणओ मग्गनयणओ होसि तं जेण // 22 // रागो-रई, सुभेयरवत्थुसु जंतूण चित्तविणिवेसो। सो राओ, दोसो उण-तव्विवरीओ मुणेयव्वो // 23 // सो कमलासण-हरि-हर-दिणयरपमुहाण माणदलणेण। लद्धक्करसो पत्तो जिण ! तुह मूले, तओ तुमए . // 24 // जं मलण-दलण विहलण-कवलणविसमच्छिजोयजीओ वि। कर-चरण-नयण-कररुह-अहरदलं वसइ अणुजं व // 25 // दोसो वि कुडिलकुंतल-भू-पम्हल-नयणतारियमिसेण / गुरु निक्करणं सूयइ, तं मन्ने गुणकरे लहुणो // 26 // जइ वि बहुरूवधारी वसंति ते देव ! तुह सरीरम्मि / तक्कयविगाररहिओ तह वि, तुमं वीयरागो त्ति // 27 // जं सव्वदव्व-पज्जवपत्तेयमणंतपरिणइसरूवं / जुगवं मुणाइ तिक्कालसंठियं केवलं तमिह // 28 // तं ते अप्पडिहयसत्तिपसरमणवरयमविगलं अस्थि / मुणिणो मुणियपयत्था तेण तुमं केवलिं बिति // 29 // . 36
