________________ जत्थुस्सेहंगुलओ सहस्समवसेसएसु य जलेसु। वल्लीलयादओ च्चिय सहस्समायामओ होंति // 8 // पण्णत्तीए भणिया सोलसहस्सा सिहा समुद्दस्स। सच्चेव दीवसागरपण्णत्तीए सया सत्त // 9 // उस्सेहे सत्तसए गोअमदीवादओ जलंताओ। उव्विद्धा जावइअं तमेइ तेरासिएण फुडं - // 10 // उस्सेहे सोलसए गोयमदीवादओ निबुड्डिज्जा। तह वि अ ण सो ण सच्चों तं पइ जं वुड्डि भणियाइं // 11 // किह पुण दोन्नि वि सच्चा जं सत्त सओवर समा चेव / निट्ठाइ सोलससहस्सिया सिहा दस य विच्छिण्णा // 12 // जीवाभिगमे वुड्डी जा सा तं पप्प खेत्तगणियं च। कण्णगईए णेयं लवणाभव्वस्स खेत्तस्स' // 13 // सोलसकोडाकोडी तेणउइ कोडिसयसहस्साई / ऊयालीस सहस्सा णव कोडिसयाई पण्णासा // 14 // पण्णाससयसहसाइं जोयणाणं भवे अणूणाई। . लवणसमुदस्सेयं जोअणसंखाए गणिअपयं // 15 // जोइसियविमाणाई सव्वाई भवंति फालिअमयाई। दगफालियामया पुण लवणे जे जोइसविमाणा // 16 // लवणम्मी जोइसिया उड्डे लेसा हवंति णायव्वा / तेण परं जोइसिया अहलेसाया मुणेयव्वा // 17 // सत्त य सत्तट्ठाणाईएसु दस कुलगरा दसट्ठाणे। पण्णत्तीए भणिया पण्णारस जंबुदीवस्स // 18 // सत्तगहणेण जे विमलवाहण परेण ते ण संगहिया। अणिउंजिज्झिय ते कुलगरत्तणं जेण कयवंतो . // 19 // 22
