________________ पंच सया पडिपुण्णा तिसत्तरा णियमसो मुहत्ताणं / छत्तीसती य भागा छ च्चेव य चुण्णिता भागा // 255 // आउट्टिकाहि एकूणिकाहि गुणितो हवेज्ज धुवरासी / . एतं मुहत्तगणितं, एत्तो वोच्छामि सोधणयं // 256 // अभियिस्स णव मुहुत्ता बिसट्ठिभागा य होंति चउवीसं / .. छावट्ठी य समत्ता भागा सत्तट्ठिछेदकता // 257 // उगुणटुं पोट्ठवता, तिसु चेव णवुत्तरेसु रोहिणिओ / तिसु णवणवुतेसु पुणव्वसू उ तह उत्तराफग्गू // 258 // पंचेव उगुणपण्णा सताइं उगुणुत्तराई. छ च्चेव / सोज्झाणि विसाहाणं मूले सत्तेव चोत्ताला // 259 // अट्ठसयमगुणवीसा सोधणगं उत्तराअसाढाणं / चतुवीसं खलु भागा छावट्टि चुण्णियाओ य // 260 // एताइं साधइत्ता जं सेसं तं हवेज्ज णक्खत्तं / चंदेण समायुत्तं आउट्टीओ य बोद्धव्वा // 261 // अभिंतराहि णितो आदिच्चो पुस्सजोगमुवगम्म / सव्वा आउट्टीओ करेति सो सावणे मासे // 262 // बाहिरतो पविसंतो आदिच्चो अभियिजोगमुवगंम्म / सव्वा आउट्टीओ करेति सो माघमासम्मि // 263 // अट्ठारस य मुहुत्ते चत्तारि य केवले अहोरत्ते / पुस्सविसयं अतिगतो बहिता अभिणिक्खमति सूरो // 264 // वीसं च अहोरत्ते जोइत्ता उत्तराअसाढाओ / तिण्णि मुहुत्ते पविसति ताधे अब्भंतरे सूरो // 265 // चंदस्स वि णातव्वा आउट्टीओ जुगम्मि जा दिट्ठा / अभिजीए एस्सेण य णिया णखत्तमेसेणं . // 26 // 278
