________________ सव्वे कालविसेसा आयुपमाणा ठिती य कम्माणं / सव्वे समाविभागा य सूरमाणेण णातव्वा // 67 // सूरेण जं किर जुगं अणूणमधिंगाणि पंच वासाणि / तो किर जुगेण समयं गणेति अद्धाविसेसं तु ... // 68 // चतुपण्णं च सहस्सा णव चेव सया हवंति पडिपुण्णा / . एतं मुहुत्तगणितं पंचवरिसिगस्स तु जुगस्स : // 69 // वाससयसहस्सं पुण चुलसीतिगुणं हवेज्ज पुव्वंगं / पुव्वंगसतसहस्सं चुलसीतिगुणं हवे पुव्वं // 70 // पुव्वस्स तु परिमाणं सयरी खलु होंति सतसहस्साई / छप्पण्णं च सहस्सा बोधव्वा वासकोडीणं . // 71 // पुव्वसतसहस्सं पुण चुलसीतिगुणं हवे लतंगं ति / तेसि पि सतसहस्सं चुलसीतिगुणं लता हवति ... // 72 // [तासि पि सतसहस्सं चुलसीतिगुणं महालतंगमिह / तेसि पि सतसहस्सं चुलसीतिगुणं महलता उ] // 73 // तत्तो महालताणं चूलसीति चेव सतसहस्साइं / णलिणंगं णाम भवे, एत्तो वोच्छं समासेणं // 74 // णलिण महाणलिणंगं हवति महाणलिणमेव णातव्वं / पउमंग तहा पउमं एत्तो य महापउमअंगं // 75 // हवति महापउमं चिय एत्तो कमलंगमेव णातव्वं / कमलं च महाकमलंगमेव परतो महाकमलं // 76 // कुमुदंगं तह कुमुदं हवति य एत्तो महाकुमुदअंगं / परतो य महाकुमुदं तुडियंगं चावि बोद्धव्वं / तुडिय महातुडियंगं भवति महातुडियतं परं तत्तो / तत्तो अडडंगं पि य परतो य तहा अडडमेव // 78 // 262 // 77 //
