________________ // 35 // तिण्णि तु पलाणि कुलवो, कंसद्धं चेव होति बोद्धव्वो / चत्तारि चेव कुलवा पत्थो पुण मागहो हवइ // 31 // चतुपत्थमाढगं पुण, चत्तारिं य आढगाणि दोणो तु / सोलस दोणा खारी, खारीओ वीसतिं वाहो // 32 // धरिमस्स य मेज्जस्स य एस विही णालिगोदगस्स वि य / उवदेसेणुवदिटुं, उदगपमाणं च वोच्छामि उदगस्स णालिगाए हवंति दो आढगाणि परिमाणं / उदगं च इच्छितव्वं जारिसगं तं च वोच्छामि // 34 // एयस्स तु परिकम्मं कातव्वं दूसपट्टपरिपूतं / मेहोदयं पसण्णं सारइयं वा गिरिणतीणं बे णालिया मुहुत्तो, सट्टि पुण णालिया अहोरत्तो / . पण्णरस अहोरत्ता पक्खो, तीसं दिणा मासो // 36 // गणिमेण य धरिमेण य मेज्जेण य वण्णितो अहोरत्तो। एत्तो उड्ढं वोच्छं जुगम्मि संवच्छरपमाणं // 37 // संवच्छरो उ बारस मासा, पक्खा य ते चउव्वीसं / तिण्णेव य सट्ठसया हवंति राइंदियाणं तु // 38 // एसो उ कमो भणितो उडुस्स संवच्छरस्स कम्मस्स / कम्मो ति सावणो त्ति य उडु त्ति वि य तस्स णामाणि // 39 // आदिच्चो 1 उडु 2 चंदो३ रिक्खो४ अभिवढितो 5 य पंचेते / संवच्छरा जिणमते जुगस्स माणं विधीयते // 40 // छ प्पि उडू परियट्टा एसो संवच्छरो उ आदिच्चो / पुव्वभणितो य कम्मो, एत्तो चंदं पि वोच्छामि // 41 // पुण्णिमपरियट्टा पुण बारस संवच्छरो हवति चंदो / णक्खत्तवंदजोगो बारसगुणितो तु णक्खत्तो // 42 //
