________________ एवं जो सव्वो वि अ, परिणामो पुग्गलाण इह समए। तं तं पडुच्चं एसिं, कालेणं अप्पएसत्तं . // 12 // कालेण अप्पएसा, एवं भावापएसएहि तो। हुंति असंखिज्जगुणा, सिद्धा परिणामबाहुल्ला // 13 // इत्तो दव्वाएसेण अप्पएसा हवंतऽसंखगुणा / के पुण ते परमाणू, कह ते बहुअ त्ति तं सुणसु // 14 // अणु-संखिज्जपएसिअ-असंखऽणंतप्पएसिआ चेव / चउरो च्चिअ रासी पुग्गलाण लोए अणंताणं // 15 // तत्थाणंतेहितो, सुत्तेणं तप्पएसिएहितो। जेण पएसट्ठाए, भणिआ अणवो अणंतगुणा // 16 // संखिज्जयमे भागे, संखिज्जपएसिआण वद॒ति / नवरमसंखिज्जपएसिआण भागे असंखयमे ... // 17 // सइ वि असंखिज्जपएसिआण तेसिं असंखभागत्ते / बाहुल्लं साहिज्जइ, फुडंमवसेसाहिँ रासीहिं // 18 // जेणिक्करासिणो च्चिअ, असंखभागेण सेसरासीणं / तेणासंखिज्जगुणा, अणवो कालापएसेहि // 19 // इत्तो असंखगुणिआ, हवंति खित्तापएसिआ समए / जं ते ता सव्वे च्चिअ अपएसा खित्तओ अणवो . // 20 // दुपएसिआइएसु वि, पएसपरिवड्डिएसु ठाणेसु / लब्भइ इक्किक्को वि अ, रासीखित्तापएसाणं // 21 // इत्तो खित्ताएसेण चेव सपएसया असंखगुणा। . एगपएसोगाढे, मोत्तुं सेसावगाहणया // 22 // ते पुण दुपएसोगाहणाइआ सव्वपुग्गला सेसा / - ते अ असंखिज्जगुणा, अवगाहणठण बाहुल्ला // 23 // 204
