________________ छेवटुं संघयणं, तेहट्ठिनिचया उ हुंड संठाणा / चउर कसाया सन्ना, तिन्नि अ तह पढमलेसा य // 60 // फासरसणे दुइंदिय, वेयणमारणकसाय समुग्घाया। : असन्निणो नपुंसग, पंच य पज्जत्ति अपज्जत्ती ... // 61 // सम्मट्ठिी मिच्छा-दिट्ठी उ अचक्खुदंसणी हुंति / नाणी तह अन्नाणी-तणुजोगी वयणजोगी अ // 62 // सागार अणागारो, उवओगो छद्दिसिं तु आहारो। नारयदेवाऽसंखाउ-वज्ज तिरिमणुअं उववाओ // 63 // अंतमुहुत्त जहन्ना, ठिई उ वासाणि बारसुक्कोसा। समवहयासमवहया, मरंति संखाउ नरतिरिसु जंति . // 64 // दोआगइ अ दुगइआ, पत्तेअसरीरिणो असंखिज्जा / हुंति घणीकयलोग-स्सेगपएसिक्कसेढिसमा ... // 65 // तेइंदिया य कुंथू, पिपीलि उद्देहिआ य रोहणिआ। तणहार पत्तहारा, कट्ठहारा य उक्कलिआ // 66 // तणबिंटग फलबिटग, मालुअ या पत्तबिंटय गोमहीया। तह इंदगोवया इंद-काइआ हत्थिसोंडा य // 67 // बेइंदिअव्व सव्वं, भावेअव्वं सरीरदाराई। ओगाहणा य गाउअ, तिण्णि अ तह इंदिअतिगं च // 68 // अउणापन्नदिणाई, उक्कोसठिई अ होइ बोधव्वा / अंतमुहुत्त जहन्ना, तहेव परिमाणदारं च // 69 // चउरिदिआ य भमरा, विचित्तपक्खा य मच्छिआ भिरली। जरुला नंदावत्ता, झिंगिरिडा कण्हपत्ता य // 70 // गंभीर अच्छिरोडा य, अच्छिवेहा तहेव सारंगा। इच्चेवमाइआ पुण, विन्नेआ हुंति लोआओ . // 71 // 170 ca
