________________ अडयाला कोडीओ पाइक्कनराण रणसमत्थाणं / सोलस साहस्सीओ सजणवयाणं पुरवराणं // 594 // पण्णासं विज्जाहरनगराण सजणवयाण रम्माणं / ण(?भ)वणंतरालवासी नागा य फणुग्गधरमउडा // 595 // नेगाइं सहस्साइं गामा-ऽऽगर-नगर-पट्टणादीणं / वेयडदाहिणेण उ पुव्वावरअंतरठियाणं // 596 // दरियरिखुमाणमहणा अवसे वसमाणइत्तु नरवइणो / दाहिणभरहं सगलं भुंजंति विलीणपडिवक्खा // 597 // सोलस साहस्सीतो नरवइतणयाण रूवकलियाणं / तावइय च्चिय जणवयकल्लाणीतो तिविट्ठस्स // 598 // इय बत्तीस सहस्सा चारू पत्तीण ता तिविट्ठस्स। धारिणिपामोक्खाण य अट्ठ सहस्सा य अयलस्स // 599 // ऊसियमगरधयाणं विदिण्णवरछत्त-वालवियणाणं / . सोलस गणियसहस्सा वसंत्तेसेणापहाणाणं . // 600 // एवं तु मए भणियं अयल-तिविट्ठण दोण्ह वि जिणाणं / एत्तो परं तु वोच्छं अट्ठण्हं नवर जुयलाणं // 601 // पयावती 1 य बंभे 2 य रुद्दे 3 सोमे 4 सिवे 5 ति या। महसीह 6 अग्गिसीहे 7 दसरह 8 नवमे य वसुदेवे 9 // 602 // मिगावती 1 उमा 2 चेव पुहती 3 सीया 4 य अम्मया 5 / लच्छिमती 6 सेसवाती 7 केकती 8 देवती 9 इ य // 603 // भद्द 1 सुभद्दा 2 सुप्पभ 3 सुदंसणा 4 विजय 5 वेजयंती 6 य / जयंती 7 अपराज़िया 8 रोहिणि 9 बलदेवजणणीओ // 604 / / विसभूती 1 पव्वयए 2 धणमित्त 3 समुद्ददत्त 4 सेवाले 5 / पियमित्त 6 ललियमित्ते 7 पुणव्वसू 8 गंगदत्ते 9 य // 605 // . 107
