________________ नाणम्मि दंसणम्मि य, चरणम्मि तवम्मि जे उ अइयारा / तेऽहं आलोएमी, मणसा वयसा य काएण / // 15 // काले विणए य तहा, बहुमाणुवहाण तह अनिन्हवणे / जं मे वितहमणुट्ठियं, तं निंदे तं च गरिहामि // 16 // वंजण-अत्थे तह तदुभए य तह सुयहराण किइकम्मे / जं किंचि मया एत्थं, वितहारियं तयं निंदे // 17 // संका कंखा, वितिगिच्छा, पसंस तह संथवो कुलिंगीण / सम्मत्तस्सइयारे, जे उ कए निदिमो ते उ // 18 // उववूहा जन्न कया, मुणीण तह दुत्थियाण थिरकरणं / जिणधम्मे वच्छलं, बालगिलाणाइविसयं तु // 19 // भत्तीए जन्न कया, पभावणा पवयणम्मि जइणम्मि / तिविहं तिविहेण य, तयं मिंदामि इमाण पच्चक्खं // 20 // पाणिवह-मुसावाए, अदत्त-मेहुण-परिग्गहे चेव / विरईए जं वितहं, कयं ति तं निदिमो इण्हेिं // 21 // इंदिय-कसाय-जोगे, पडुच्च जं वितहसेवियं किंचि / तं एयाणं पुरओ, तिविहेणं निदिमो एस // 22 // बारसभेयम्मि तवे, अइयारो बायरो य सुहुमो वा। तं एयाणं पुरओ, तिविहं तिविहेण निंदामि // 23 // खामेमि सव्व जीवे, सव्वे जीवा खमंतु मे / मेत्ति मे सव्वभूएसु, वेर मज्झं न केणइ // 24 // पेच्छंतु जिणे सव्वे, सिद्धा य तिलोयपूइया सव्वे / पुरओ भगवंताणं, तुम्हाणमिणं तु सव्वं पि // 25 // पाणवहं सुहुमेयर-तस-थावरगोयरं तु तिविहेणं / मणसा वयसा तणुणा, कय-कारिय-अणुमईहिं तु // 26 // 237
