________________ एत्थ य जीवसमासे अणुमज्जिय सुहुमनिउणमइकुसलो। सुहुमं कालविभागं विभएज्ज सुयम्मि उवउत्तो // 240 // तिण्णि अणाइअणंता तीयद्धा खलु अणाइया संता। साइअणंता एसा समओ पुण वट्टमाणद्धा // 241 // कालो परमाणुस्स य दुपएसाईणमेव खंधाणं / समओ जहण्णमियरो उस्सप्पिणिओ असंखेज्जा // 242 // जस्स गमो जत्थ भवे जेण य भावेण विरहिओ वसइ / जाव न उवेइ भावो सो चेव तमंतरं हवइ // 243 // सव्वा गई नराणं सन्नितिरिक्खाण जा सहस्सारो / घम्माएँ भवण-वंतर गच्छइ सयलिदिय असण्णी // 244 // तिरिएसु तेउ-वाऊ सेसतिरिक्खा य तिरिय-मणुएसु / तमतमया सयलपसू मणुयगई आणयाईया // 245 // पंचिंदियतिरिय-नरे सुर-नेरइया य सेसया जंति / . अह पुढवि-उदय-हरिए ईसाणंसा सुरा जंति . // 246 // चयणुववाओ एगिदियाण अविरहियमेव अणुसमयं / हरियाणंता लोगा सेसा काया असंखेज्जा // 247 // आवलियअसंखेज्जइ भागेऽसंखेज्जरासि उववाओ / संखियसमये संखेज्जयाण अद्वेष सिद्धाणं // 248 // बत्तीसा अडयाला सट्ठी बावत्तरी य बोधव्वा / चुलसीई छण्णउई दुरहिय अद्रुत्तरसयं च // 249 // चउवीस मुहुत्ता सत्त दिवस पक्खो य मास दुग चउरो / छम्मासा रयणाइसु चउवीस मुहुत्त सण्णियरे // 250 // थावरकालो तसकाइयाण एगिदियाण तसकालो / बायरसुहुमे हरिएयरे य कमसो पउंजेज्जा / / 251 // .. . 21
