________________ खेत्तं खलु आगासं तविवरीयं च होइ नोखेत्तं / जीवा य पोग्गला वि य धम्माधम्मत्थिया कालो // 168 // सत्त धणु तिन्नि रयणी छच्चेव य अंगुलाई उच्चत्तं / पढमाए पुढवीए बिउणा बिउणं च सेसासु || 169 // बारस य जोयणाई तिगाउयं जोयणं च बोधव्वं / बेइंदियाइयाणं हरिएसु सहस्समब्भहियं // 170 // जल-थल-खह-सम्मुच्छिम तिरिय अपज्जत्तया विहत्थीओ / जलसंमुच्छिमपज्जत्तयाण अह जोयणसहस्सं // 171 // उरपरिसप्पा जोयण सहस्सिया गब्भया उ उक्कोसं / संमुच्छिम पज्जत्तय तेसिं चिय जोयणपुहत्तं // 172 // भुयपरिसप्पा गाउयपुहुत्तिणो गब्भया उ उक्कोसं / / संमुच्छिम पज्जत्तय तेसिं चिय धणुपुहुत्तं च // 173 // जल-थलगब्भअपजत्ता खह-थलसमुच्छिमा य पज्जत्ता / खहगब्भया उ उभए उक्कोसेणं धणुपुहुत्तं // 174 // जलगब्भयपज्जत्ता उक्कोसं हुंति जोयणसहस्सं / थलगब्भयपज्जत्ता छग्गाउक्कोसमुव्विद्धा // 175 // अंगुलअसंखभागो बायरसुहुमा य सेसया काया / सव्वेसि च जहण्णं मणुयाण तिगाउ उक्कोसं // 176 // भवणवइ-वाणमंतर-जोइसवासी य सत्तरयणीयां / सक्काई सत्तरयणी एक्कक्का हाणि जावेक्का // 177 // मिच्छा य सव्वलोए असंखभागे य सेसया हुँति / केवलि असंखभागे भागेसु व सव्वलोए वा // 178 // तिरिएगिदियसुहुमा सव्वे तह बायरा अपज्जत्ता / सव्वे वि सव्वलोए सेसा उ असंखभागम्मि // 179 // 15
