________________ इगिदुगचउएगुत्तर आदसगं उदयमाहु मोहस्स / संजलणवेयहासरइ भयदुगुंछतिकसायदिट्ठी य . // 860 // दुगआइ दसंतुदया कसायभेया चउव्विहा ते उ। : बारसहा वेयवसा अदुगा पुण जुगलओ दुगुणा // 861 // अणसम्मभयदुगुंछाण णोदओ संभवे वि वा जम्हा / उदया चउवीसा विय एक्वेक्कगुणे अओ बहुहा // 862 // मिच्छे सगाइ चउरो सासणमीसे सगाइ तिण्णुदया। छप्पंचचउरपुव्वा चउ चउरो अविरयाईणं // 863 // दसगाइसु चउवीसा एक्काछेक्कारदससगचउक्कं / एक्का य नवसयाइं सट्टाई एवमुदयाणं // 864 // बारस चउरो तिदुएक्कगाओ पंचाइ बन्धगे उदया / अब्बंधगे वि एक्को तेसीया नवसया एवं // 865 // चउबन्धगे वि बारस दुगोदया जाण तेहि छूढेहिं / बन्धगभेएणेवं पंचूणसहस्समुदयाणं / / 866 // बारस दुगोदएहि भंगा चउरो य संपराएहि / सेसा ते च्चिय भंगा नवसयछावत्तरा एवं // 867 // मिच्छाइ अप्पमत्तंतयाण अट्ठट्ट हुंति उदयाणं / / चउवीसाओ सासणमीसअपुव्वाण चउ चउरो // 868 // चउवीसगुणा एए बायरसुहुमाण सत्तरस अन्ने। सव्वेसु वि मोहुदया पण्णसट्ठा बारससयाओ // 869 // उदयविगप्पा जे जे उदीरणाए वि हुँति ते ते उ। . अंतमुहुत्तिय उदया समयादारब्भ भंगा य // 870 // मिच्छत्तं अणमीसं चउरो चउरो कसाय वा सम्मं / - ठाइ अपुव्वे छक्कं वेयकसाया परे तओ लोभो / // 871 // 216
