________________ अप्पाऊ बेइंदी उरलंगे नारओ तदियरंगे / . . निल्लेवियवेउव्वा असण्णिणो आगओ कूरो // 718 // मिच्छोंतरे किलिट्ठो वीसाए धुवोदयाण सुभियाणं / आहारजई आहारगस्स अविसुद्धपरिणामी - // 719 // अप्पाउ रिसभचउरंसगाण अमणो चिरट्ठिइ चउण्हं / संठाणाण मणूओ संघयणाणं तु सुविसुद्धो // 720 // हुंडोवघायसाहरणाण सुहुमो सुदीहपज्जत्तो। परघाए लहुपज्जो आयावुज्जोय तज्जोगों // 721 // छेवढुस्स बिइंदी बारसवासाऊ मउयलहुआणं / . . सण्णिविसुद्धो णाहारगो य पत्तेयमुरलसमं // 722 // कक्खडगुरूण मंथे विणियट्टे णाम असुहधुवियाणं / जोगंतम्मि नवण्हं तित्थस्साउज्जियाइम्मि // 723 // सेसाणं वेयंतो मज्झिमपरिणामपरिणओ कुणइ / पच्चयसुभासुभा.वि य चिंतिय णेओ विवागो य // 724 // पंचण्हमणुक्कोसा तिहा चउद्धा य वेयमोहाणं / सेसविगप्पा दुविहा सव्वविगप्पा उ आउस्स // 725 // तिविहा धुवोदयाणं मिच्छस्स चउव्विहा अणुक्कोसा / सेसविगप्पा दुविहा सव्वविगप्पा य सेसाणं // 726 // अणुभागुदीरणाए होंति जहण्णसामिणो जे उ। जेट्ठपएसुद्दीरणसामी ते घाइकम्माणं // 727 // वेयणियाण पमत्तो अपमत्तत्तं जया उ पडिवज्जे। . संघयणपणगतणुदुगउज्जोयाणं तु अपमत्तो // 728 // तिरियगईए देसो अणुपुब्विगईण खाइओ सम्मो। दुभगाईनीयाणं विरईअब्भुट्ठिओ सम्मो // 729 // 204
