________________ // 108 // अट्ठत्तीसं तु लवा अद्धलवो चेवं नालिया होइ / दो नालिया मुहुत्तो तीस मुहुत्ता अहोरत्तो / तिन्नि सहस्सा सत्त य सयाणि तेवत्तरिं च उस्सासा / ... एक्केक्कस्सेवइया हुंति मुहुत्तस्स उस्सासा // 109 // पन्नरस अहोरत्ता पक्खो पक्खा य दो भवे मासो। दो मासा उउसन्ना तिन्नि य रियवो अयणमेगं // 110 // दो अयणाई वरिसं तं दसगुणवड्डियं भवे कमसो / दस य सयं च सहस्सं दस य सहस्सा सयसहस्सं // 111 // वाससयसहस्सं पुण चुलसीइगुणं हवेज्ज पुव्वंगं / ... पुव्वंगसयसहस्सं चुलसीइगुणं भवे पुव्वं // 112 // पुव्वस्स उ परिमाणं सयरिं खलु होति कोडिलक्खाउ / छप्पन्नं च सहस्सा बोद्धव्वा वासकोडीणं // 113 // पुव्वंगं पुव्वं पि य नउयंगं चेव होइ नउयं च / नलिणंगं नलिणं पि य महनलिणंगं महानलिणं // 114 // पउमं कमलं कुमुयं तुडियमडडमववहहुयं चेव / अउयंग अउय पउयं तह सीसपहेलिया चेव // 115 // एवं एसो कालो वासच्छेएण संखमुवयाइ / तेण परमसंखेज्जो कालो उवमाए नायव्वो // 116 // पलिओवमं च तिविहं उद्धारऽद्धं च खेत्तपलियं च / एक्केकं पुण दुविहं बायरसुहुमं च नायव्वं // 117 // जं जोयणवित्थिण्णं तं तिउणं परिरएण सविसेसं। . तं चेव य उव्विद्धं पल्लं पलिओवमं नाम . // 118 // एगाहिय बेहिय तेहियाण उक्कोस सत्तरत्ताणं। . सम्मटुं संनिचियं भरियं वालग्गकोडीणं // 119 // 10
