________________ अण्णाणतिएवोघो, मिच्छासाणेसु नवसु नाणतिए / मणपज्जवे वि सत्तसु ओघं दुसु केवलिस्सावि // 36 // सामाइयछेएसुं, पमत्तमासु चउसु ओघो त्ति / परिहारस्स पमत्ते, अपमत्ते सुहुम सट्ठाणे : // 37 // उवसंताइसु अहखाय देसविरयस्स होइ सट्ठाणे / मिच्छाईसुं चउसुं, ओघो अस्संजयस्सावि / / 38 // चकखुअचक्खू ओघो, मिच्छाई खीणमोह ओहिस्स / अजयाइनवसु केवलदसण केवलिदुमे चेव // 39 // छच्चउसु तिण्णि तीसुं, छण्हं सुक्का अजोगि अल्लेसा / आहारूणा आइतिलेसी बंधंति सव्वपयडीओ // 40 // मिच्छा तित्थोणा ता, साणा उण सोलसविहूणा / सुरनरआऊ पणवीस मोत्तु बंधंति मीसा उ // 41 // सुरनरआउयसहिया, अविरयसम्माउ होंति नायव्वा / तित्थयरेण जुया तह, तेऊलेंसे परं वोच्छं . // 42 // विगलतिगं निरयतिगं सुहमतिगूणं सयं तु एक्कारं / तित्थाहारूणा मिच्छ साण इगितिगनपुचउरूणा // 43 // मीसाई पंचगुणा, ओघं बंधंति पम्हलेसा वि / विगलतिगं निरयतिगं, सुहुमतिगेगिदिथावरायावं // 44 // हिच्चा सयमट्ठहियं, तित्थाहारदुगहीण मिच्छाओ / संढाइचउक्कोणं, साणा मीसाइ पणगओघं तु // 45 // बंधंति सुक्कलेसा, नारयतिरिसुहुमविगलजाइतिगं / . इगिथावरायवुज्जोय वज्जिय सयं तु चउरहियं // 46 // तित्थाहारदुगूणं एगहियसयं तु बंधही मिच्छा। संढाइचउक्कोणं, साणा बंधति सगनउई // 47 // 134
