________________ अयच्छन्तोऽपि संपत्ति, प्रीतये विपुलाशयाः / / अददानोऽपि विद्युत्त्वा (मा),-न मुदे किं कलापिनाम् ? // 180 // वित्तवत्स्वेव जायेत, नृणां प्रीतिर्महत्स्वपि / हर्षः सप्रतिमेष्वेव, चैत्येष्वप्रतिमेष्वपि // 181 // सदसतोरीक्षितयोः, सौहृदं सति संभवेत् / घृते भवति वाल्लभ्यं, जग्धयोघृततैलयोः // 182 // . सृजन्ति विशदात्मानो, विवेकं वस्त्ववस्तुनोः / मराला एव कुर्वन्ति, निर्णयं क्षीरनीरयोः // 183 // आपत्प्राप्तोऽपि तेजस्वी, परस्मा उपकारकृत् / किमस्तं व्रजता न्यस्तं, न दीपेंऽशुमता महः ? // 184 // सुखयन्ति जगद् वाग्भि,-लघीयांसोऽपि वाग्मिनः / किं न लघ्व्योऽपि गोस्तन्यो, रसैविश्वसुखावहाः ? // 185 // महानपि प्रसिद्धोऽपि, दोषः क्वाऽपि गुणायते / न जरा भाति किं दीक्षा,-भाजि भिषजि राजि च? // 186 // आस्तां प्रभावांस्तत्प्राप्त,-प्रभोऽपि जनकृत्यकृत् / सूर्यादाप्तरुचोऽप्यासन्, यद्दीपाः कार्यकारिणः // 187 // धत्ते महस्वितां मूर्ख,-मलिनोऽपि महाधनः / भ्रमवच्छाणसंसर्गी, किमसिन विभासुरः ? // 188 // धत्ते शोभां विशेषेण, जहोऽप्यत्युग्रसङ्गतः / / मिलितं किं श्रियं याति, पानीयं नासिधारया ? // 189 // एको दुर्जनदृग्वारी, दोषो विदुषि जायते / रेखा स्याद् बालभालस्था-ऽऽञ्जनी दृग्दोषवारिणी // 190 // पापः सतां सभान्तःस्थो, रक्षिता तद्गुणश्रियाम् / न किमन्तर्गतोऽङ्गारः, पाति कर्पूरसंपदम् ? // 191 //
