________________ स्नात्रैश्चन्दनदीपधूपकुसुमैनैवेद्यनीरध्वजै- . सैरक्षतपूगपत्रसहितैः सत्कोशवृद्ध्या फलैः। . वादित्रध्वनिगीतनृत्यनुतिभिश्छत्रैवरैश्चामरैभूषाभिश्च किलैकविंशतिविधा पूजा भवेदर्हतः // 97 // इत्येकविंशतिविधां रचयंति पूजां भव्याः सुपर्वदिवसेऽपि च तीर्थयोगे। पूर्वोक्तचारुविधिनाष्टविधां च नित्यं यद्यद्वरं तदिह भाववशेन योज्यम् ग्रामचैत्यं ततो यायाद्विशेषाद्धर्मलिप्सया। त्यजन्नशुचिमध्वानं धौतवस्त्रेण शोभितः . // 99 // यास्यामीति हृदि ध्यायंश्चतुर्थफलमश्नुते / . उत्थितो लभते षष्ठं त्वष्टमं पथि च व्रजन् // 100 // दृष्टे चैत्येऽथ दशमं द्वारे द्वादशमं लभेत् / मध्ये पक्षोपवासस्य मासस्य स्याज्जिनार्चने // 101 // तिस्रो नैषेधिकीः कृत्वा चैत्यान्तः प्रविशेत्सुधीः / चैत्यचिन्तां विधायाथ पूजयेच्छीज़िनं मुदा // 102 // मूलनायकचित्वाष्टधार्हत्प्रतिमाः पराः। . पूजयेच्चारुपुष्पौधैर्मृष्ट्वा चान्तर्बहिः स्थिताः // 103 // अवग्रहाद् बहिर्गत्वा वन्देतार्हन्तमादरात् / विधिना पुरतः स्थित्वा रचयेच्चैत्यवन्दनम् // 104 // एकशकस्तवेनाद्या द्वाभ्यां भवति मध्यमा / पञ्चभिस्तूत्तमा ज्ञेया जायते सा त्रिधा पुनः // 105 // स्तुतिपाठे योगमुद्रा जिनमुद्रा च वन्दने / मुक्ताशुक्तिमुद्रा तु प्रणिधाने प्रयुज्यते // 106 // उदरे कूपरे न्यस्य कृत्वा कोशाकृती करौ। ' अन्योन्याङ्गुलिसंश्लेषाद्योगमुद्रा भवेदियम् // 107 // 34
