________________ सम्यग्ज्ञानप्रमुखत्रितयं क्रोधादिनिग्रहचतुष्कम् / तपसो द्वादशभेदा एवं सप्ततिविधं चरणम् // 413 // पिण्डविशुद्धिचतुष्कं द्वादशभेदाश्च भावनायाः स्युः / गुप्तित्रयं समितिपञ्चकं च पञ्चेन्द्रियनिरोधः // 414 // प्रतिलेखनाविधाः पञ्चविंशतिरभिग्रहाश्च चत्वारः / द्वादशभेदाः प्रतिमा इत्थं करणमपि सप्ततिधा // 415 // एवं प्रतिदिवसविधेयं संयमानुष्ठितौ कृतोद्योगाः / सुत्राध्ययनाध्यापनपृच्छादौ व्यापृतात्मानः // 416 // नित्याऽग्रपिण्डवर्जनपरायणाः पञ्चसमितिभिः समिताः / सेवितगुरुकुलवासा नित्यं गुरुवचनपरतन्त्राः // 417 // गुप्तित्रितयपवित्राः पञ्चमहाव्रतधुराधरणधुर्याः / दमितहषीकतुरङ्गा मनोनिरोधेऽधिगतलक्षाः // 418 // शुद्धप्ररूपका विनयवृत्तयः सत्त्वतोलनानिरताः / . द्रव्यं क्षेत्रं कालं भावं चाश्रित्य कृतयतनाः . // 419 // क्षायोपशमिकभावे स्थिताः कषायोज्झिता महामुनयः / आराधका भवन्ति प्रभवत्यपि दुःषमकाले // 420 // इति हरिप्रभसूरिविदर्भितं, संदुपदेशरसायणगर्भितम् / इह विधास्यति यो विधिनोद्यमी, दिवसकृत्यमिदं स शिवंगमी॥४२१॥ 11
