________________ ओसन्नो वि विहारी कम्मं सोहेइ सुलभबोही य / चरणकरणं विसुद्धं उववूहंतो परूवंतो // 56 // वक्खाणं निसुणंता अगहियधम्मा वि तित्तियं कालं / हुंति आरंभविरया किं पुण गिण्हंति जे धम्मं ? // 57 // पाउंछणमुउबद्ध वासासमयम्मि पीढफलगाई / आसणमिणं जईणं भूमी फलिहाणि सयणम्मि // 58 // अणुओगे आढविए पच्चक्खाणं पि नेव कारवए / जावं न पडिक्कमई इइपुन्ना बीयपोरसिया // 59 // छायापएहिं मुणिसंजुएहिं नंदट्ठबाहुधुवयम्मि / लद्धं नयणविहूणं दलीकयं दिवसगयसेसं // 60 // पोसे पोरसि सड्ढा नवपयपमाण देहछायाए / पय इक्किक्का हाणी जा आसाढे पया तिन्नि / // 61 // वंदिज्ज चेइया सव्वभुवणे विसेसओ सव्वे / अट्ठमिचउद्दसीसु सेसदिणे .चेइयं इक्कं // 62 // पडिकमणे चेइहरे भोअणसमयम्मि तहय संवरणे / पडिकमण सुअण पडिबोहकालियं[इय]सत्तहा जहणो // 63 // नवकारेण जहन्ना दंडगथुइजुअल मज्झिमा नेया / उक्कोसा विहिपुव्वं सक्कत्थयपंचनिम्माया // 64 // खित्तम्मि जत्थ जो खलु गोअरचरियाए वट्टए कालो / तं साहिज्जसु पोरसिजुअलं पुण तयणुसारेण // 65 // भिक्खासमए पुत्ति पेहिय ठाणम्मि ठविय पत्ताई / आवसियाइ भणित्ता गोअरिआए विणिक्खमइ // 66 // उसभस्स य पारणए इक्खुरसो आसि लोगनाहस्स। . सेसाण य परमन्नं अमियरसरसोवमं आसि // 67 // .. . . 23
