________________ नवरं इह परिभोगो निव्विइयाणं पि कारणावेक्खो / उक्कोसगदव्वाणं तओ विसेसेण विन्नेओ . // 190 // आवननिविगइयस्स असहुणो जुज्जए परीभोगो / इंदियजयबुद्धीए विगईचायम्मि नो जुत्तो // 191 // जो पुण विगईचायं काऊणं खाइ निद्धमहुराइ / उक्कोसगदव्वाणं तुच्छफलो तस्स सो नेओ // 192 // दीसंति य केइ इहं पच्चक्खाए वि मंदधम्माणो / कारणियं पडिसेवं अकारणेणावि कुणमाणा तिलमोयगतिलवट्टि वरिसोलगनालिकेरखंडाइं / अइबहलघोलखीरं घयपप्पुयवंजणाई च // 194 // घयवुड्डमंडगाई दहिदुद्धकरंबपेयमाईयं / झल्लरिचूरिमपमुहं अकारणे केइ भुंजंत्ति // 195 // न य तं पि इह पमाणं जहुत्तकाराण आगमन्नूणं / जरजम्ममरणभीसणभवन्नवुधिग्गचित्ताणं . // 196 // मोत्तुं जिणाणमाणं जियाण बहुदुहदवग्गितवियाणं / न हु अन्नो पडियारो कोइ इहं भववणे जेण // 197 // विगई परिणइधम्मो मोहो जमुदिज्जए उदिन्ने य / सुठु वि चित्तजयपरो कहं अकज्जे न वट्टिहिइ ? // 198 // दावानलमज्झगओ को तदुवसम्मट्ठयाए जलमाई। संते वि न सेविज्जा ? मोहानलदीविए उवमा // 199 // तथा-विगई विगईभीओ विगइगयं जो उ भुंजए साहू / विगई विगइसहावा विगई विगई बला नेइ // 200 // इय दोसकरि नाउं वयंति धीरा इम जहासत्तिं / महुमज्जमक्खणाई मंसं च विसेसओ निच्चं // 201 // 29
