________________ चलचलसद्दोवेया नेहोगाहेण जे उ पच्चंति / ओगाहिमगा नेया वडगाई खज्जगविसेसा // 178 // तिण्हं घाणाण परओ एए विगई न हुंति जइ न खिवे / अन्नं पि तत्थ नेहं तो ते कप्पंति जं भणियं // 179 // सेसा न हुंति विगई अजोगवाहीण ते उ कप्पंति / परिभुज्जति न पायं जं निच्छयओ न नजंति / // 180 // एगेण चेव तवओ. पूरेज्जइ पूयएण जो तावो / बीओ वि स पुण कप्पइ अखवियनेहतरो नवरं // 181 // दहिअवयवओ मंथू विगई तक्कं न होइ विगईओ। . खीरं तु निरावयवं नवणीओगाहिमं चेव // 182 // घयघट्टो पुण विगई वीसंदणमो य केइ इच्छंति / तेल्लगुलाणमविगई सोमालियखंडमाई णि // 183 // एत्थ य-घयघट्टो मेहाहुव वीसंदणमद्धदड्डषयमज्झे / छूढेहिं तंदुलेहि जिणलं(जिण्णालं)होइ नायव्वं // 184 // सोमालियं वियाणह सन्निय तह सेल्लियं च जं बिति / आदिग्गहणेण गहिया सक्करवरसोलगाई वि // 185 // मज्जमहुणो तु खोला मयणा विगइओ पोग्गले पिंडो। रसओ पुण तदवयवो सो पुण नियमा भवे विगई // 186 // मयकच्चसं तु खोला मंसं पुण पुग्गलं मुणेयव्वं / कालेज्जं पुण पिंडो मंसरसो भन्नए रसओ // 187 // खज्जूरमुद्दियादाडिमाण पीलुच्छुचिंचमाईणं / पिंडरसा न विगईओ नियमा पुण हुंति लेवकडा // 188 // एमेव बयर रायण वारंग कविट्ठ अंबजंबीरे। . टिंबरुय चारुकयले बिज्जउरे नालिएरे य // 189 // 98
