________________ जिणाणं पूयजत्ताए, साहूणं पज्जुवासणे / आवस्सयम्मि सज्झाए, उज्जमेह दिणे दिणे // 293 // अलद्धपुव्वं तु लहे वि एयं, सामग्गियं दुलहियं च लोए / मुत्तूण संसारअसारनेहं, करेह ता उज्जमणं च तुब्भे // 294 // काउणं सयणवग्गस्स, उत्तमं धम्मदेसणं / सिज्जा ठणं तु गंतूणं, करे अन्तं तओ इमं // 295 // सुमरित्ता भुवणनाहे उ, गच्छिज्जा चउसरणयं / खामेइ जंतुणो सव्वे, दुक्खे जे के वि ठाविया // 296 // खामेमि सव्वजीवे, सव्वे जीवा खमंतु मे। ... मित्ती मे सव्वभूएसु, वे मज्झं न केणइ // 297 // आहारं उवहिं देहं, पुविं, दुच्चिन्नयाणि य / अपच्छिमम्मि ऊसासे, सव्वं तिविहेण वोसिरे // 298 // जे मे जाणंति जिणा, अवराहा जेसु जेसु ठाणेसु / ते हं आलोए य, उवट्ठिओं सव्वभावेणं // 299 // छउमत्थो मूढमणो, कित्तियमित्तं च संभरइ जीवो / जं च न संभरामि अहं, मिच्छा मि दुक्कडं तस्स // 300 // पाणिवहमुसादत्तं, मेहुणदिणलाभऽणत्थदंडं च / अंगीकयं च मुत्तुं, सव्वं उवभोगपरिभोगं // 301 // गिहमज्झं मुत्तूणं, दिसिगमणं मुत्तु मसगजूयाई / वयकाएहिं न करे, न कारवे गंठिसहिएणं // 302 // तहा कोहं च माणं च , मायं लोभं तहेव य / . पिज्जं दोसं च वज्जेमि, अभक्खाणं तहेव य // 303 // अरइरईपेसुन्नं, परपरिवायं तहेव य / मायामोसं च मिच्छत्तं-पावठाणाणि वज्जिमो - // 304 // 222
