________________ // 44 // धन्ना एयस्स रिद्धिओ, धन्नो वायं परिस्समो / धन्नो य परियणो सयलो, जो एयमणुवत्तइ. // 41 // अहो एयस्स इत्थेव, जम्मे चेव पसनओ / भयवं अरिहंतु त्ति, सव्वसुक्खा दायगो // 42 // अन्नहा एरिसी रिद्धी, कहमेयस्स उत्तमा / रयणायरसेवाए हवंति, रवणवंतया // 43 // एएण पुनवतेणं, अन्नजम्मम्मि वाविओ। पुनरुक्खो महाकाओ, सो इण्डिं फलिओ इमो एवं पसंसं पकुणंतयाणं, अणेगसत्ताण दुहाहयाणं / सम्मत्तरुक्खस्स महाफलस्स, तेसिं तु सो चेव य कारणं तु // 45 // जत्तियगुणपडिवत्ती, सव्वन्नूमयम्मि अविचला होइ / सच्चिय बीयं जायइ, बोहीए तेणनाएणं // 46 // अलद्धपुव्वं तु भवोयहिम्मि, लहंति तित्थस्स पभावणाए / तित्थेसरतं अमरिंदपुज्जं, दसारसीहो इव सेणिओ वा // 47 // एवंविहाहि वग्गूहि, थुव्वंतो य पइदिणं / वच्चए जिणगेहम्मि, जाव जिणबलाणयं // 48 // पुष्फतंबोलमाईणि, सचित्ताणि विवज्जए / छत्तवाहणमाईणि, अचित्ताणि तहेव य / // 49 // काऊण उत्तिमंगम्मि, अंजलि भत्तिसंजुओ / पणई दिढे, जिणिंदम्मि, नमो भुवणबंधुणो // 50 // निस्सीहियं च काऊणं, अग्गे मज्झे तहेव य / बंधुमित्ताइसंजुत्तो, करे तिन्नि पयाहिणा // 51 // मणगुत्तो वयगुत्तो, कायगुत्तो. जिइंदिओ / हरियाए उवउत्तो, वक्खेमाणं विवज्जए // 52 // - 201
