________________ अन्ने अकालमरणस्सभावओ वहनिवित्तिमो मोहा। वंझासुअपिसियासणनिवित्तितुल्लं ववइसंति // 192 // अज्झीणे पुवकए न मरइ झीणे य जीवइ न कोइ। सयमेव ता कह वहो उवक्कमाओ वि नो जुत्तो // 193 / / कम्मोवक्कामिज्जइ अपत्तकालं पि जइ तओ पत्ता। अकयागमकयनासा मुक्खाणासासया दोसा // 194 // न हि दीहकालियस्स.वि नासो तस्साणुभूइओ खिप्पं / बहुकालाहारस्स व दुयमग्गियरोगिणो भोगो // 195 // सव्वं च पएसतया भुज्जइ कम्ममणुभावओ भइयं। . तेणावस्साणुभवे के कयनासादओ तस्स // 196 // उदयक्खयक्खओवसमोवसमा जं च कम्मुणो भणिया। दव्वाइपंचयं पइ जुत्तमुंवक्कामणमओ वि // 197 // जइ याणुभूइओ च्चिय खविज्जए कम्म नन्नहाणुमयं / तेणासंखभवज्जियनाणागइकारणत्तणओ // 198 // नाणाभवाणुभवणाभावा एगं मि पज्जएण वा। अणुभवओ बंधाओ मुक्खाभावो स चाणिट्ठो. // 199 // किंचिदकाले वि फलं पाइज्जइ पच्चए य कालेण। तह कम्मं पाइज्जइ कालेण विपच्चए चनं // 200 // भिन्नो जहेह कालो तुल्ले वि पहम्मि गइविसेसाओ। सत्थे व गहणकालो मइमेहाभेयओ भिन्नो // 201 // तह तुल्लम्मि वि कम्मे परिणामाइकिरियाविसेसाओ। भिन्नो अणुभवकालो जिट्ठो मज्झो जहन्नो य // 202 // जह वा दीहा रज्जू डज्झइ कालेण पुंजिया खिप्प। वियओ पडो वि सूसइ पिण्डीभूओ उ कालेणं // 203 // 180
