________________ उत्तुंगसिंगेसु महागिरीसु, पुरेसु गामा-ऽऽगर-पट्टणेसु / पए पए सव्वमहीयलम्मि, गिही विहाणेण विहावएज्जा // 36 // जम्मंतरोवत्तमहंतपुण्णसंभारसंपत्तसुसंपयाए / सुहासएणं परमायरेणं, संकासजीवो णिवसंपई वा // 37 // देज्जा दव्वं मंडल-गोउलाई, जिण्णाइँ सिण्णाइँ समारएज्जा / नट्ठाइँ भट्ठाइँ समुद्धरिज्जा, मोक्खंगमेयं खु महाफलं ति // 38 // . देवाहिदेवाण गुणायराणं, तित्थंकराणं वयणं महत्थं / मोत्तूण जंतूण किमत्थि ताणं, असारसंसारदुहाहयाणं ? // 39 // नजंति जं तेण जिणा जिणाहिया, भावा मुणिज्जति चरा-ऽचरं जगं। संसार-सिद्धी तह तग्गुणा-ऽगुणा, तक्कारणाइंच अणेगहा तहा॥ 40 // धम्मा-ऽधम्मं गम्मा-ऽगम्मं गम्मए आगमेणं, कज्जा-ऽकज्जं पेज्जा-ऽपेज्जं जं च भोज्जं न भोज्जं / ..... जुत्ता-ऽजुत्तं सारा-ऽसारं मज्झिमा-ऽमज्झिमं च, भक्खा-ऽभक्खं सोक्खा-ऽसोक्खं जेण लक्खंति दक्खा // 41 // सद्धासंवेगमावन्ना भीया दुक्खाण पाणिणो / . कुणंता तत्थ वुत्ताई पावंति परमं पयं / तम्हा एसो दुहत्ताणं ताणं सत्ताणमागमो / भवकूवे पडताणं एसो आलंबणं परं // 43 // एसो णाहो अणाहाणं सव्वभूयाण भावओ / भावबंधू इमो चेव सव्वसोक्खाण कारणं // 44 // अंधयारे दुरुत्तारे घोरे संसारचारए / एसो चेव महादीवो लोया-ऽलोयावलोयणो * // 45 // जेणं सग्गा-ऽपवग्गाणं भग्गं दाएइ देहिणं / ' चक्खुभूओ इमो तेणं सव्वेसि भव्वपाणिणं . // 46 // // 42 //
