________________ इयं मामनुवर्तिष्णुरिति सापि पुपोष ताम् / आसीच्चिरं तयोरेवं पो चपोषकता मिथः // 354 // अथ मायाकृतोन्माददुर्बुद्धिप्रेरितो नृपः / सुबुद्धि तृणतां निन्ये साथ दूना व्यभावयत् // 355 // बाह्यस्त्रियानयागत्य वरो वैरीकृतो मयि / परप्रवेशे वेश्मैति नाशमेषा मृषा न वाक् // 356 // येयं मन स्वसा दुष्टा साऽनयैव व्यधीयत / एतां विना बलं नास्या दुरापा हेयमेव मे // 357 // द्वयोः कुयोषितोः पाशे पतिः पतित एष मे। हहा महापदः प्राप्ता विज्ञापि करवाणि किम् ? // 358 // स्त्री स्त्रीणां चरितं वेत्ति न नरः सरलाशयः / . चेल्लप्स्येऽवसरं सर्वं ज्ञापयिष्यामि नायकम् // 359 // नवे ज्वरे वक्ति न भेषजं भिषग, नवं प्लवं कामति नैव तारकः / नवं कलिं ज्ञोऽपि न वा रुरुत्सते, सतां हि सूतेऽवसरज्ञता यशः 360 माया सुतमसूताथ मोहं नाम महाबलम् / यो योधान् जातमात्रोऽपि गणयामास दासवत् // 361 // मोहो लोकप्रवाहश्च छाद्मस्थ्यं गहनाशयः / अनुस्रोतोगतिश्चेति शब्दास्तस्याभिधायकाः // 3 // 62 // माया सुतं जगति मोहमसूत मोहस्तां वेति निश्चयनयः सुधियां प्रमाणम् / पर्वेक्षुबीजसहकारबलाकिकाण्डन्यायादिहोदितमिदं व्यवहारवृत्त्या३।६३ दुर्बुद्धेरपि मोहोऽभूत्स्वैर्गुणैरतिवल्लभः / अहो संवयसां स्नेहः संक्रामति सुतेष्वपि // 364 // ते द्वे अपि प्रयत्नेन तमवीवृधतान्तमाम् / अस्या एवाङ्गभूरेष इत्यज्ञातं बुधैरपि // 365 // - 111
