________________ श्रीक्षेमराजमुनिकृता. // उपदेशसप्ततिका // तित्थंकराणं चरणारविंदं, नमित्तु नीसेससुहाण कंदं। मूढो वि भासेमि हिउवएसं, सुणेह भव्वा सुकयप्पवेसं // 1 // सेविज्ज सव्वन्नुमयं विसालं, पालिज्ज सीलं पुण सव्वकालं / न दिज्जए कस्स वि कूडआलं, छिदिज्ज एवं भवदुक्खजालं // 2 // . पयासियव्वं न परस्स छिदं, कम्मं करिज्जा न कया वि रुदं / मित्तेण तुलं व गणिज्ज खुदं, जेणं भविज्जा तुह जीव भदं // 3 // रोगेहि सोगेहि न जाव देहं, पीडिज्जए वाहिसहस्स गेहं। तावुज्जया धम्मपहे रमेह, बुहा मुहा मा दियहे गमेह // 4 // जया उदिणो नणु को वि वाही, तया पणट्ठा मणसो समाही। तीए विणा धम्ममई वसिज्जा, चित्ते कहं दुक्खभरं तरिज्जा // 5 // विरत्तचित्तस्स सया वि सुक्खं रागाणुरत्तस्स अईव दुक्खं / एवं मुणित्ता परमं हि तत्तं, विरागमग्गम्मि धरेह चित्तं परिग्गहारंभभरं करंति, अदत्तमन्नस्स धणं हरति / धम्मं जिणुत्तं न समायरंति, भवन्नवं ते कहमुत्तरंति आणं जिणाणं सिरसा वहंति, घोरोवसग्गाइ तहा सहति / धम्मस्स मग्गं पयडं कहंति, संसारपारं नणु ते लहंति // 8 // भासिज्जए नेव असच्चभासा, न किज्जए भोगसुहे पिवासा / खंडिज्जए नेव परस्स आसा, धम्मो य कित्ती इय सप्पयासा // 9 // दुरंतमिच्छत्तमहंधयारे, परिप्फुरतम्मि सुदुन्निवारे। . न सुद्धमग्गा उ चलंति जे य, सलाहणिज्जा तिजयम्मि ते य // 10 // असार संसार सुहाण कज्जे, जो रज्जई पापमई अवज्जे / अप्पाणमेसो खिवई किलेसे, सग्गापवग्गाण कहं सुहं से // 11 // // 6 // // 7 // 270
