________________ जिणभवणबिंबपुत्थय, संघसरूवेसु सत्तखित्तेसु / ववि धणं पि जायइ, सिवफलयमहो अणंतगुणं .. // 20 सिरिदेविंदसूरिविरइयं ॥शीलकुलकम् // सोहग्गमहानिहिणो, पाए पणमामि नेमिजिणवइणो। बालेण भुयबलेणं, जणद्दणो जेण निजिणिओ सीलं उत्तमवित्तं, सीलं जीवाण मंगलं परमं / सीलं दोहग्गहरं, सीलं सुक्खाण कुलभवणं // 2 // सील धम्मनिहाणं, सीलं पावाण खंडणं भणियं / सीलं जंतूण जए, अकित्तिमं मंडणं परमं // 3 // नरयदुवारनिरंभण, कवाडसंपुडसहोअरच्छायं / / सुरलोअधवलमंदिर-आरुहणे पवरनिस्सेणि // 4 // सिरिउग्गसेणधूया, राईमई लहउ सीलवई-रेहं / गिरिविवरगओ जीए, रहनेमी ठाविओ मग्गे .. पज्जलिओ वि हु जलणो, सीलप्पभावेण पाणीअं होई / सा जयउ जए सीआ, जीसे पयडा जस पडाया चालणीजलेण चंपाए, जीए उग्घाडिअं दुवारतिगं / कस्स न हरेइ चित्तं, तीए चरिअं सुभद्दाए नंदउ नमयासुंदरी, सा सुचिरं जीए पालिअं सीलं / गहिलत्तणं पि काउं, सहिआ य विडंबणा विविहा // 8 // भदं कलावईए, भीसणरनम्मि रायचत्ताए / जं सा सीलगुणेणं, छिनंगा पुणन्नवा जाया सीलवईए सील, सक्कइ सक्को वि वन्निउं नेव / रायनिउत्ता सचिवा, चउरो वि पवंचिआ जीए . // 10 // 81 // 7 //
