________________ पच्चंगुब्भडजुव्वतीणं सुरहिसारदेहाणं / जुवईणं मज्झगओ, सव्वुत्तम रूववंतीणं // 15 // आजम्म बंभयारी, मणवयकाएहिं जो धरइ सीलं / सव्वुत्तमुत्तमो पुण, सो पुरीसो सव्वनमणिज्जो // 16 // एवंविह जुवइगओ, जो रागी हुज्ज कह वि इग समयं / बीयसमयम्मि निदइ, तं पावं सव्वभावेणं // 17 // जम्मम्मि तम्मि न पुणो, हविज्ज रागो मणम्मि जस्स कया / सो होइ उत्तमुत्तम, रूवो पुरिसो महासत्तो // 18 // पिच्छई जुवईरूवं, मणसा चिंतेई अहव खणमेगं / जो न चरइ अकज्जं, पत्थिज्जंतो वि इत्थीहिं // 19 // साहू वा सड्ढो वा सदारसंतोससायरो हुज्जा / सो उत्तमो मणुस्सो, नायव्वो थोवसंसारो // 20 // पुरिसत्थेसु पवट्टइ, जो पुरिसो धम्मअत्थपमुहेसु / अनुन्नमव्वाबाहं, मज्जिमरूवो हवइ एसो .. // 21 // एएसि पुरिसाणं, जइ गुणगहणं करेसि बहुमाणा / तो आसन्नसिवसुहो, होसि तुमं नत्थि संदेहो // 22 // पासत्थाइसु अहुणा, संजमसिढिलेसु मुक्कजोगेसु।। नो गरिहा कायव्वा, नेव पर्ससा सहामज्झे. // 23 // काऊण तेसुं करुणं, जइ मन्नइ तो पयासए मंग्गं / अह रूसइ तो नियमा, न तेसिं दोसं पयासेइ // 24 // संपइ दूसमसमए, दीसइ थोवो वि जस्स धम्मगुणो / बहुमाणो कायव्वो तस्स सया धम्मबुद्धीए जउ परगच्छि सगच्छे, जे संविग्गा बहुस्सुया मुणिणो ; तेसिं गुणाणुरायं, मा मुंचसु मच्छरप्पहओ // 26 //
