________________ णाणं च पुण सुतित्थे विहिणा सिद्धंतसारसवणेणं / नवनवसुअपढणेणं गुणणेणं पुव्वपढियस्स // 19 // कालाइविवज्जयवज्जणेण तत्ताणुपेहणेणं च / परियाणियसमयाए संगेण समाण धम्माणं // 20 // सोहेज्ज चरित्तं पि हु आसवदारदढसन्निरोहेणं / सइ उत्तरुत्तराणं गुणाणमहिलासकरणेणं // 21 // जह सुमिणो जह मियतण्हियाउ जह इंदजालकीलाओ। जह बालधूलिहरविलसियाई तह एस जियलोओ // 22 // एत्थ विहवी अविहवी सुही वि असुही गुणी वि किल अगुणी / बंधू वि सिय अबंधू धी अणवत्थो भवत्थजणो // 23 // इय भावणाबलेणं सत्तीएँ तवेण पत्तदाणेणं / . अइनिंदियइंदियबंदियाण निकंदणेण तहा // 24 // एए नियफलवंतो सुद्धा संतो भवंति जेण गुणा / तो तेसिमसोहिसमावहाईवज्जेज्ज ठाणाई. // 25 // सुझंतेसु इमेसुं दिणम्मि कमलायरव्व समकालं / सवियासा सेसगुणा भवंति अच्चब्भुयब्भूया // 26 // गंभीरत्तणसुयणत्तणाई दक्खिन्नमपरपेसुन्नं / दूरमपारं कारुन्नपुनओ तह नओ विणओ // 27 // लोयाणुवित्तिकुसलत्तमुत्तमं चिरपरूढमिच्छत्तो / एसो वि अज्जकालियजणो जहा मग्गमोयरइ // 28 // परमिह संतोससुहं कल्लाणमुहं समुज्जला कित्ती / पेच्चा अच्चंतसुहो सग्गो तत्तोऽपवग्गो य // 29 // सदसणाइरयणत्तयस्स लाभे पलालपूलनिभा / चिंतामणिसुरतरुकामधेणुनिहिणो खणा होति // 30 //
