________________ ता तुब्भे भणिआणुसारविहिणा वट्टेज्जहा सव्वहा, संसारासयसव्वदुक्खनिहणो मोक्खो जओ नन्नहा // 50 // // 4 // // उवएसचउक्ककुलयं-१ // निसुणंतु खणं परिरं-भिऊण भव्वा ! मणं समाहिम्मि / उवएसलेसमणवज्ज-कज्जमेवं भणिज्जंतं // 1 // दुलहं ता मणुअत्ते पत्ते खित्तारिअत्तमेत्ते अ / निम्मलकुलजाइसमग्गरूवयारुग्गसामग्गी // 2 // तत्थ वि महद्दहत्थिअकुम्मस्स मयंकमंडलालोओ / धम्मंतरेण दुलहो जह तह जीवाण जिणधम्मो // 3 // पत्तो वि पमत्तेहिं सत्तेहिं पत्तयाविउत्तेहिं / चिंतारयणं व महो-अहिम्मि हारिज्जए एसो ता पाविऊण एअं मुक्कपमाएण कुसलपुरिसेण / एअथिरत्तनिमित्तं निसेवणिज्जाई एआई . // 5 // जिणसासणाणुराओ 1 निच्चमचागो सुसाहुसंगस्स 2 / सम्मं च सुयब्भासो 3 तह तह भवभावणुल्लासो 4 // 6 // मरुपहपहिओ कप्प-दुमं व पोअं व जलहिजलपडिओ। चिंतारयणं व चिरं दालिद्दोवद्दवाभिहओ // 7 // संपइ रे जीव ! तुमं धम्मं सव्वण्णुणाहपण्णत्तं / पत्तो कहिचि णूणं ता तं संपुनपुनो सि / सुलहं सव्वं पि जए रे जीव ! सुरेसरत्तणाईअं / निव्वुइसुहाण साहण-मणहो दुलहो अ जिणधम्मो तम्हा इणमेव पुरो काउं हाउं च पावचरिआई। जुत्तं पवित्तिउं ते जेण खणो दुल्लहो एसो // 10 // // 8 // 23
