________________ जत्थ कसाया चोरा, महावया सावया सया घोरा / रोगा दुट्ठभुअंगा, आसासरिआ घणतरंगा . // 33 // चिंताडवी सकट्ठा, बहुलतमा सुंदरी दरी दिट्ठा खाणी गई अणेगा, सिहराइं अट्ठमयभेआ . // 34 // रयणिअरो मिच्छत्तं, मणदुक्कडओ सिला ममत्तं च / तं भिंदसु भवसेलं, ज्ञाणासणिणा जिअ सहेलं // 35 // जत्थत्थि आयनाणं, नाणं वियाण सिद्धिसुहयं तं / सेसं बहुं वि अहियं, जाणसु आजीविअमित्तं // 36 // सुबहु आहअं जह जह, तह तह गव्वेण पूरिअं चित्तं / . हिअ अप्पबोहरहिअस्स ओसहाउ उट्ठिओ वाही // 37 // अप्पाणमबोहंता, परं विबोहंति केइ ते वि जडा। .. भण परियणम्मि छुहिए, सत्तागारेण किं कज्जं // 38 // बोहंति परं किंवा, मुणंति कालं नरा पढंति सुअं। ठाणमुअंति सया वि हु, विणाऽऽयबोहं पुण न सिद्धी // 39 // अवरो न निदिअव्वो, पसंसिअव्वो कया वि न. हु अप्पा / समभावो कायव्वो, बोहस्स रहस्समिणमेव . // 40 // परसक्खित्तं भंजसु, रंजसु अप्पाणमप्पणा चेव। . वज्जसु विविहकहाओ, जइ इच्छसि अप्पविन्नाणं // 41 // तं भणसु गणसु वायसु, झायसु उवइससु आयरेसु जिआ। खणमित्तमपि विअक्खण, आयारामे रमसि जेण // 42 // इय जाणिऊण तत्तं, गुरुवइटुं परं कुण पयत्तं / लहिऊण केवलसिरिं, जेणं जयसेहरो होसि . // 43 //
