________________ अह सद्दहति वि तयावरणखओवसमजोगओ कहं वि। . चरणावरणाओ न संजमुज्जमं तह वि कुव्वंति // 19 // अह पुनपुंजजोगेण चरणभारं पव्वज्जिउं केइ / पुण वि पमायसहाया परिवडिय भवे भमंति जओ . // 20 / / आहारगा वि मणनाणिणो वि सव्वोवसंतमोहा वि। . हुति पमायपरवसा तयणंतरमेव चउगइया // 21 // जंचेगजिओ वि असंखवारमिह सम्मदेसविरईओ। विरइमणंतुव्वलणं च अट्ठहा चतुहा मोहसमं // 22 // नाणाभवेसु पावइ तं पावपमायविलसियं सयलं। इहरा एगभवेण वि लहिउं सव्वाइं जाव सिवं // 23 // तदेवं संसारातुलजलहिमज्झे निबडिया, जिया वुड्डव्वुड्डासरिसमरणुप्पत्तिनडिया / दुरंतं अच्चंतं दुहमपरिमेयं निरुपम, भमंता विदंते खरपवणखित्तो हठ इव // 24 // ता संसारं असारं अणुवरयमहादुक्खजालं विसालं, कम्माणं संचियाणं तह विविहपरीणाममच्चंतवामं / नाउं थोवं च आउं तडितरलमलं मित्तवित्तादि नच्चा, रम्मे धम्मे जिणाणं मणमणवरयं भावसारं धरेह // 25 // पंचविहं अट्ठविहं व छिदिउं तह पमायमुज्जमह / तह वि य कहं वि खलिए भावेह इमं सनिव्वेयं // 26 // अवि जिणवयणं मणे मुणंतो विहियमई किल तप्पहेण गंतुं / अहह कहमहं महंतमोहोवहयविबोहविलोयणो खलामि // 27 // इय चिंतिऊण दमिऊण मणं नियमेह इंदियकसायगणं / तह दाणसीलतवभावरया कुणहोचियं गुरुमएण सया // 28 // 190
