________________ समयत्थपईवोवम-सुहगुरुसंसग्गिलाभविगमाओ / सिद्धंतविरुद्धपमत्त-सत्तठिइदंसणाओ य // 7 // निउणाण वि उप्पज्जंति कुग्गहा किमुय मुद्धबुद्धीणं / तह वि हु विहुणिय धीरेहिं ते लहुं चिंतियब्वमिणं / // 8 // अहह असुहाण कम्माण, विलसियं जप्पभावओ अम्हे। संमोहतिमिरभीमे, काले इहई समुप्पन्ना // 9 // . नो पिच्छामो सव्व-त्रुणो सयं न मणपज्जवजिणाई। न य चुद्दसदसपुष्विप्पमुहे विस्सुयसुयहरे वि // 10 // एवं पि अम्ह सरणं, ताणं चक्खू गई पईवो य / भयवं सिद्धंतु च्चिय, अविरुद्धो इट्ठदिढेहिं // 11 // तदणुगउ च्चिय मग्गो, अणुसरियव्वो वियारियव्वो य / / तप्परतंतत्तेण य, जइयव्वं सव्वकज्जेसु. // 12 // जे भावा तत्तो वि हु, तद्देसगगीयसाहुवसओ वा / सम्मं कह वि न नाया, बहुसो चिंतिज्जमाणा वि // 13 // ते किं समइवियप्पण-परपुरिसवसेण निच्छयमुर्विति / न हि सूराणुज्जोइय-नहमुज्जोर्विति खज्जोया // 14 // इय सच्छंदपरूवण-करस्स कुग्गहपरस्स य जणस्स / संसग्गिं दावग्गिं, व वज्जयंतेहिँ कुसलेहि // 15 // कालबलोचियकिरिया-रईसु असढेसु अप्पमाईसु / सुगुरूसु पज्जुवासण-परेहिँ तक्कहियकारीहिं // 16 // जिणपूजण-वंदण-ण्हवण-पमुहकिच्चेसु निच्च जइयव्वं / . जम्हा सुत्ते वुत्तं, दंसणमिह पढम मुक्खंगं // 17 // एयंजुत्तेहिं चिय, तत्तो वरचरणकारणेसु सया / . . सम्मं पयट्टियव्वं, सामाइयमाइकिरियासु , // 18 // 182
