________________ जं मंगलं आसि नरिंदसीहे, उसभे जिणे पुत्तसयम्मि जाए। अट्ठावयपव्वयमारुहंते, तं मंगलं सो मम बोहिलाभो जं मंगलं हत्थिपुरम्मि आसी, सेअंसजाईसरखत्तिअस्स। ... भरहम्मि ताए पडिलाभयम्मि, तं मंगलं सो मम बोहिलाभो // 6 // जं मंगलं मरुदेवीइ आसी, छत्ताइछत्तं पणयस्स दंर्छ / उप्पण्णनाणे वरकेवलम्मि, तं मंगलं सो मम बोहिलाभो // 7 // . जं मंगलं पवरगुणाइ आसी, बंभीइ बंभव्वयधारिणीए। अज्जाइ तह पढमपवत्तिणीए, तं मंगलं सो मम बोहिलाभो // 8 // जं मंगलं आसी सुंदरीए, समसट्ठिसहस्साइं सयं चरित्ता / लोगस्स मज्झे पिउणो सगासे, तं मंगलं सो मम बोहिलाभो // 9 // जं मंगलं बाहुबलिस्स आसी, तेअस्सिणो माणविमूरणस्स / संवच्छरं मेरू जह ट्ठिअस्स, तं मंगलं सो मम बोहिलाभो // 10 // जं मंगलं भरहनिवस्स आसी, आयंसगेहम्मि पइट्ठियस्स / उप्पण्णनाणवरकेवलम्मि, तं मंगलं सो मम बोहिलाभो // 11 // जं मंगलं कुंभनिवस्स धीए मल्लीइ राईसरवंदिआए। धम्मे ठवंतीइ छ रायसीहे, तं मंगलं सो मम बोहिलाभो // 12 // जं मंगलं राईमईइ आसी, विवाहकज्जम्मि समुट्ठिआए / अणुपालयंतीइ अरिटुनेमि, तं मंगलं सो मम बोहिलाभो // 13 // जं मंगलं गोअमत्तउ आणं, इंदग्गिमाई सुहमाइआणं / अभिनिक्खमित्ता जिणपायमूले, तं मंगलं सो मम बोहिलाभो // 14 // जं मंगलं जंबुमुणिस्स आसी, अट्ठव कंताउ परिच्चइत्ता / निव्वेयओ कामपरम्मुहस्स, तं मंगलं सो मम बोहिलाभो // 15 // जं मंगलं खंदकुमारि आसी, विहरंतए छत्तधरिज्जमाणे / छट्टेण छट्टेण तवं चरित्ता, तं मंगलं सो मम बोहिलाभो // 16 //
