________________ जाजीवं चउवीसं उद्दिट्टट्ठमिचउद्दसीसुं च / पुत्रिमबीएगारसिं पंचमि दोकासणाइ तवं // 15 // पंचुंबरिचउविगई हिमविसकरगे य सव्वमट्टी य / राईभोयणगं चिय बहुबीयअणंतसंधाणं // 16 // घोलवड वायंगण अमुणियनामाइं पुष्फफलियाई / तुच्छफलं चलियरसं वज्जह वज्जाणि बावीसं // 17 // संगरहलिमुग्गमउट्टमासकंडूयपमुक्ख वियलाई / सह गोरसेण न जिमं एवं एयत्तियं न करे // 18 // जम्मि य पीलिज्जते मणयंपि न नेहनिग्गमो हुज्जा। दुन्नि य दलाई दीसंति मिच्छगाईणि जह लोए // 19 // निसि पहाणं वज्जेमि अत्थाणिएणंबुणा दहाईसु / . अंदोलणं च वज्जे जियाण हुजावणाई य // 20 // न वहेमि पाणिणो न य भणामि भासं मुसं न य मुसामि / परदव्वं परजुवई नामियमिह परिग्गहंपि करे - // 21 // वज्जइ इह तेनाहड तक्करजोगं विरुद्धरजं च / कूडतुलकूडमाणं तप्पडिरूवं च ववहारं // 22 // बहुसावज्जं वाणिज्जमवि सया तिव्वलोभओ न करे / बहुलोयगरहणिज्जं विजाइकम्मपि वज्जेमि / // 23 // रायनिओगाइगयं खरकम्मं परिहरामि जहसत्ति / पवयणसाहम्मीणं करेमि वच्छल्लमघियप्पं // 24 // तेहि समं न विरोहं करेमि न य धरणगाइकलहपि / मीयतेसु न तेसुं सइ विरिए भोयणं काहं // 25 // दम्माउ हीणतरगं जिणभवणे साडगं न दाहामि / अणुचिय नर्से गीयं व रासयं आसणाईवि // 26 //
