________________ ता नत्थि इह कहाओ ते दिटुंता न ताउ जुत्तीओ। संसारुच्छेअकरा मह कण्णे जा (न) पत्ताओ .. // 4 // ता नत्थि इह कलाओ पररंजणविम्हक्कजणणीओ / जाणामि जा न पयर्ड मुत्तुं निअरंजणं इक्कं . // 5 // किं गहिलो किं सज्जो किं मुक्खो पंडिओ अ किं अहयं / 'मा साहसे' सउणिसम किं वा चिट्ठामि घंघलिओ // 6 // गुरु अनिकाइअकम्मो किं ठगिओ धुत्तिओ अ सुन्नो वा। कि गत्तसूअरोहं रंजेमि मणो न जं धम्मे / // 7 // परिदेवणमित्तं चिअ अहयं पिच्छामि अत्तणे इक्कं / जं उज्जमे न सत्ती होही होहं कहमहंति // 8 // अज्जं करेमि कल्लं करेमि धम्मुज्जमं तुम भणसि / इअ णिप्फलवंछाहिं समप्पिही जम्मपरिवाडी // 9 // जाणइ दिक्खइ संभलइ सउममलववहार / धम्मि न लग्गइ अहह तुवि कुणइ अ सव्व असारं // 10 // दिट्ठम्मि वि दिटुंते खणभंगुरजीविअस्स पच्चक्खं / थेवं पि हु न चइज्जइ जीवेहिं गुरुअकम्मेहिं // 11 // सिरिधम्मसूरिमुणिवइ-सीसेहि रयणसिंहसूरीहिं। . संवेगमेरुसिहरे भविआ .! विलसंतु कहिअमिणं . // 12 // पू.आ.श्रीरत्नसिंहसूरिविरचितम् // धर्माचार्यबहुमानकुलकम् // नमिउं गुरुपयपउमं धम्मायरियस्स निययसीसेहिं / जह बहुमाणो जुज्जइ काउमहं तह पयंपेमि . // 1 // गुरुणो नाणाइजुया महणिज्जा सयलभुवणमज्झम्मि / किं पुण नियसीसाणं आसन्नुवयारहेऊहिं ? // 2 // 102
