________________ तेण परं सिद्धिगई, तेसिं णिअमेण हुज्ज जिणभणिआ। जं ते पुणो वि अव्ववहारित्तं नेव पाविति // 83 // तेसु वि एगो पुग्गल-परिअट्टो जेसि हुज्ज संसारो। तहभव्वत्ता तेसि, केसिंचि अ होइ किरिअरुई // 84 // तीए किरियाकरणं, लिंगं पुण होइ धम्मबुद्धीए / किरिआरुईणिमित्तं, जं वुत्तं वत्तमिच्छत्तं / / 85 // तेसु वि अवड्डपुग्गल-परिअट्टो जेसि हुज्ज संसारो। सम्मत्तजोग्गयाए, लहंति ते केइ सम्मत्तं // 86 // लोअववहारविषयं, पत्तेअसरीरमेव जेसि सई। ते ववहारिअभव्वा, सेसा ववहारबाहिरिआ // 87 // तेणं अभव्वजीवा, ण हुँति ववहारमाइवयविसया। ते पुण पडिवडिआणं, अणंतभागो अ सव्वे वि // 88 // जं चिअ अज्जप्पभिई, संजायं तं अणंतखुत्तो वि। तह तं भविस्सइ पुण, ण होइ सिं जेण ते थोवा. // 89 // मिच्छत्तं पुण तेसिं, अणाभोगं मंदमवि अ अणवरयं / तिव्वं पि संसयाई, ण होइ जं साइसंतं च // 90 // संसइअमणभिगहिअं, अभिगहिअं अभिणिवेसिअं कमसो। अणुण्णविवक्खाए, मन्दाइअ जाव तिव्वतमं. // 91 // तत्थ विअ अभिणिवेसी, णागपुरिअलुंपगो हि दुरहिगमो। अप्पसुआणं सिं जे, वयणविरोहं ण याणंति / // 92 // सवण्णू वि जिणिंदो, णिअयं णिण्णेइ ण उण इअरं पि / एवं तम्मयमूल-परूवणा पावकम्मुदया जइ णिअयमणिअयं वा, एगसहावेण सव्वया हुज्जा। ता अरिहा सव्वण्णू, अण्णह णिअमा ण सव्वन्नू // 94 // 259
