________________ स्वमतान् मनुजान् वितन्वती, पलितालीखटिकाक्षराङ्किताम् / किमु वा परिपातिनी जरां, यमदूती स निवारयिष्यति // 54 // यदि वा तरसा रसायनं, सकलातविनाशि दास्यति / रविधाम निशीव यद्बलाद्, गलितं यौवनमेति वार्धके // 55 // अथवाऽश्लथवासनाशतप्रबलद्वन्द्वमपाकरिष्यति / वपुषि प्रसरेत् प्रियाप्रियप्रभवा विह्वलता न यद्वशात् // 56 // यदि वा न दिवा न वा निशि, स्थिरतामेति यदन्तरिन्द्रियम् / प्रविधाप्य वशं तदेव नः, परमब्रह्मणि मज्जयिष्यति // 57 // विदधाति खमेव पुष्पितं, यदि युष्मत्प्रभुरेभिरङ्कुरैः / कुरुतां क इवास्य सेवनां, तदही तुल्यनृभावभावित: // 58 // चरणाश्रयणं तु तेन नश्चरणोच्चारकृतोपदिश्यताम् / अननुष्ठितधर्मदेशके, गुरुता गच्छति नामशेषताम् // 59 // शयिताः स्वसुखे वयं मदादभिभूता भरतेन भोगिनः / अधुना तदतीव भीषणामसिदंष्ट्रामुपदर्शयामहे / // 60 // अनुजा यदि याचिता रणं, भरतेन स्फुटमग्रजन्मना / तदमी वितरीतुमुत्सुका, न कृपाणः कृपणोऽत्र कोशभृत् // 61 / / विलसेद् बलवत्युपस्थिते, न कला हन्त कलागुरोरपि / द्विजनायकदर्शनं हरनिह सिंहीतनयो निदर्शनम् . // 62 // उदितास्मदुपक्रमादितो, विमला पङ्ककलङ्कशङ्कया। समराम्बुनिधेर्जयेन्दिरा, न च बन्धुद्रुहमेनमेष्यति // 63 // यशसा भरणं भृतस्य च, प्रथमेन व्यभिचारमञ्चति / असिसौष्ठवपक्षपाति तन्न तु कस्यापि गृहे नियन्त्रितम् // 64 // अयमेतु वयं समुद्यताः, क्षुभिताम्भोधितरङ्गसन्निभाः / जनकानुमति विना परं, प्रणयामो न सगोत्रसङ्गरम् . 243
