________________ // 96 // // 97 // // 98 // // 99 // // 100 // // 101 // मणवयणकायदुप्पणिहाणं इह जत्तओ विवज्जेइ / सइअकरणयं अंणवट्टियस्स तह अकरणयं चेव दिसिवयगहियस्स दिसापरिमाणस्सेह पइदिणं जं तु / परिमाणकरणमेयं, अवरं खलु होइ विनेयं वज्जइ इह आणयणप्पओगपेसप्पओगयं चेव / सद्दाणुरूववायं, तह बहियापोग्गलक्खेवं आहारदेहसक्कारबंभवावारपोसहो अन्नं / देसे सव्वे य इमं, चरमे सामाइयं नियमा अप्पडिदुप्पडिलेहियपमज्जसेज्जाइ वज्जई इत्थं / संमं व अणणुपालणमाहाराईसु सव्वेसु अण्णाईणं सुद्धाण, कप्पणिज्जाण देसकालजुअं / दाणं जईणमुचियं, गिहीण सिक्खावयं भणियं सच्चित्तनिक्खिवणयं, वज्जइ सच्चित्तपिहणयं चेव / कालाइक्कमपरववएसं मच्छरिथयं चेव एत्थं पुण अइयारा, नो परिसुद्धेसु हुंति सव्वेसु / अक्खंडविरइभावा, वज्जइ सव्वत्थओ भणियं सुत्ता उवायरक्खणगहणपयत्तविसया मुणेयव्वा / कुंभारचक्कभामगदंडाहरणेण धीरेहि . गहणा उवरि पयत्ता, होइ असंतो वि विरइपरिणामो। अकुसलकम्मोदयओ, पडइ अवनाइ लिंगमिह तम्हा निच्चसईए, बहुमाणेणं च अहिगयगुणम्मि / पडिवक्खदुगुंछाए, परिणइआलोयणेणं च तित्थंकरभत्तीए, सुसाहुजणपज्जुवासणाए य / उत्तरगुणसद्धाए, एत्थ सया होइ जइयव्वं // 102 // // 103 // // 104 // // 105 // // 106 // // 107 //
