________________ गणगुट्ठिघडापेडगजल्लाईणं च जे इहायारा / पाणापडिसेहाई ते तह धम्मा मुणेयव्वा ___ // 58 // सव्वे वि वेयधम्मा निस्सेयससाहगा न नियमेण / आसयभेएणऽन्ने परंपराए तयत्थं ति // 59 // विसयसरूवऽणुबंधेण होइ सुद्धो तिहा इहं धम्मो / जं ता मुक्खासयओ सल्वो किल सुंदरो नेओ . // 60 // // 4 // चरमावर्त्तविंशिका // निच्छयओ पुण एसो जायइ नियमेण चरमपरियट्टे / तहभव्वत्तमलक्खयभावा अच्चंतसुद्ध त्ति // 61 // मुक्खासओ वि नन्नत्थ होइ गुरुभावमलपहावेण / जह गुरुवाहिविगारे न जाउ पत्थासओ सम्म // 62 // परियट्टा उ अणंता हुंति अणाइम्मि इत्थ संसारे / तप्पुग्गलाणमेव य तहा तहा हुंति गहणाओ .. // 63 // तह तग्गेज्झसहावा जइ पुग्गलमो हवंति नियमेण / तह तग्गहणसहावो आया य तओ उ परियट्टा // 64 // एवं चरमोऽवेसो नीईए जुज्जई इहरहा उ / तत्तस्सहावखयवज्जिओ इमो किं न सव्वो वि? // 5 // तत्तग्गहणसहावो आयगओ इत्थ सत्थगारेहिं / सहजो मलु त्ति भण्णइ भव्वत्तं तक्खओ एसो // 66 // एयस्स परिक्खयओ तहा तहा हंत किंचि सेसम्मि। . जायइ चरिमो एसु त्ति तंतजुत्ति प्पमाणमिह // 67 // एयम्मि सहजमलभावविगमओ सुद्धधम्मसंपत्ती / हेयेतरातिभावे जं न मुणइ अन्नहिं जीवो // 68 //
