________________ आह तओ वि ण नियमा जायइ भूअत्थसदहाणं तु / जं सो वि पत्तपुव्वो अणंतसो सव्वजीवेहि // 1032 // ण य अत्थि कोइ अन्नो एत्थं हेऊ अपत्तपुव्वो त्ति। जमणादौ संसारे केण समं णप्पडि (णं सद्धि ण पडि) जोगो॥ 1033 / / पच्छा वि तस्स घडणे किं कारणमह अकारणं तं तु / निच्चं तब्भावाई कारणभावे अ णाहेऊ // 1034 // तस्स वि एवमजोगा कम्मायत्ता य सव्वसंजोगा। तंपुक्कोसट्ठिईओ गंठिं जाऽणंतसो पत्तं // 1035 // ण य एयभेयओ तं अन्न कम्मं अणेण चरियत्थं / सइभावाऽणाइमया कह सम्मं कालभेएणं? // 1036 // किं अनेण तओ च्चिअ पायमिअं जं च कालभेएणं / एत्थ वि तओ वि हेऊ नणु सो पत्तो पुरा बहुहा // 1037 // सव्वजिआणं चिअ जं सुत्ते गेविज्जगेसु उववाओ। भणिओ ण य सो एअं लिंग मोत्तुं जओ भणियं // 1038 // जे दंसणवावन्ना लिंगग्गहणं करिति सामण्णे। . तेसि पिअ उववाओ उक्कोसो जाव गेविज्जा // 1039 // लिंगे अ जहाजोग्गं होई इमं सुत्तपोरिसाईअं। जं तत्थ निच्चकम्मं पन्नत्तं वीअरागेहिं // 1040 // एवं पत्तोऽयं खलु न य सम्मत्तं कहं तओ एंअं? / कह वेसो च्चिअ एअस्स कालभेएण हेउ त्ति // 1041 // भण्णइ पत्तो सो ण उ उल्लसिअं जीववीरिअं कह वि। होउल्लसिए अ तयं तं पि आ पायं तओ चेव // 1042 // जह खाराईहितो असई पि अपत्तवेहपरिणामो।। विज्झइ तेहितो च्चिअ जच्चमणी सुज्झइ तओ उ // 1043 / /
