________________ आ। मरुदेविसामिणीए ण एवमेअंति सुव्वए जेणं / सा खु किल वंदणिज्जा अच्चंतं थावरा सिद्धा . // 924 / / सच्चमिणं अच्छेरगभूअं पुण भासिअं इमं सुत्ते / अन्ने वि एवमाई भणिया इह पुव्वसूरीहिं // 925 // उवसग्ग गब्भहरणं इत्थीतित्थं अभाविआ परिसा। कण्हस्स अवरकंका अवयरणं चंदसूराणं . // 926 / / हरिवंसकुलुप्पत्ती चमरुप्पाओ अ अट्ठसय सिद्धा। अस्संजयाण पूआ दस वि अणंतेण कालेणं // 927 // नणु नेअमिहं पढिअं सच्चं उवलक्खणं तु एआई। अच्छेरगभूअं पि अ भणिअं नेअंपि अणवरयं // 928 // तहभव्वत्ताऽभावा पढममणुव्वट्टणादकालओ। इत्तरगुणजोगा खलु न सव्वसाहारणं एअं // 929 // इअ चरणमेव परमं निव्वाणपसाहणं ति सिद्धमिणं / तब्भावेऽहिगयं खलु सेसं पि कयं पसंगेणं .. // 930 // एवं वएसु ठवणा समणाणं वनिआ समासेणं / अणुओगगणाणुन्नं अओ परं संपवक्खामि // 931 // जम्हा वयसंपन्ना कालोचिअगहिअसयलसुत्तत्था / / अणुओगाणुनाए जोगा भणिआ जिणिदेहिं // 932 // इहरा उ मुसावाओ पवयणखिसा य होइ लोगम्मि। सेसाण वि गुणहाणी तित्थुच्छेओ अ भावेणं // 933 // अणुओगो वक्खाणं जिणवरवयणस्स तस्सऽणुण्णाओ। . कायव्वमिणं भवया विहिणा सइ अप्पमत्तेणं // 934 // कालोचिअतयभावे वयणं निव्विसयमेवमेअंति। दुग्गयसुअम्मि जहिमं दिज्जाहि इमाई रयणाई // 935 / /
