________________ सुचिरं पि अच्छमाणो वेरुलिओ कायमणिअउम्मीसो। न उवेइ कायभावं पाहण्णगुणेण निअएणं // 732 // : सुचिरं पि अच्छमाणो नलथंभो उच्छुवाडमज्झम्मि। कीस न जायइ महुरो? जइ संसग्गी पमाणं ते // 733 / / भावुग अभावुगाणि अ लोए दुविहाणि होति दव्वाणि / वेरुलिओ तत्थ मणी अभाब्रुगो अन्नदव्वेहि // 734 // जीवो अणाइनिहणो तब्भावणभाविओ अ संसारे। खिप्पं सो भाविज्जइ मेलणदोसाणुभावेणं // 735 // अंबस्स य निंबस्स य दोण्हं पि समागयाइं मूलाई / संसग्गीएँ विणट्ठो अंबो निबत्तणं पत्तो // 736 // संसग्गीए दोसा निअमादेवेह होइ अक्किरिया / लोए गरिहा पावे अणुमइमो तह य आणाई // 737 // भत्तं पि हु भोत्तव्वं सम्मं बायालदोसपरिसुद्धं / उग्गममाई दोसा ते अ इमे हुंति नायव्वा // 738 // सोलस उग्गमदोसा सोलस उप्पायणाएँ दोसा उ। दस एसणाएँ दोसा बायालीसं इइ भवंती // 739 // तत्थुग्गमो पसूई पभवो एमाई हुंति एगट्ठा / सो पिंडस्साहिगओ तस्स य भेया इमे होंति // 740 // आहाकम्मुद्देसिअ पूईकम्मे अ मीसजाए अ। ठवणा पाहुडिआए पाउअरण कीअ पामिच्चे // 741 // परिअट्टिए अभिहडुब्भिन्ने मालोहडे अ अच्छिज्जे / अणिसिटे अज्झोअर सोलस पिंडुग्गमे दोसा // 742 // सच्चित्तं जमचित्तं साहूणऽट्ठाइ कीरई जं च। अच्चित्तमेव पच्चइ आहाकम्मं तयं भणिअं // 743 //
