________________ // 636 // समयं तु अणेगेसुं पत्तेसुं अणभिओगमावलिया। एग दुहओ वि ठिआ समराइणिआ जहासन्नं अकहित्ता कायवए जहाणुरूवं तु हेउणा तेहि। अणभिगयतदत्थं वाऽपरिच्छिउं नो उवट्ठावे // 637 / / एगिदियाइ काया तेसिं (फरिसणभावे) सेसिदिआणऽभावे वि। बहिराईण व णेअं सोत्ताइगमे वि जीवत्तं // 638 // जइ णाम कम्मपरिणइवसेण बहिरस्स सोअमावरिअं। तयभावा सेसिदिअभावे सो किं नु अज्जीवो? // 639 / / बहिरस्स य अंधस्स य उवहयघाणरसणस्स एमेव / सइ एगम्मि वि फासे जीवत्तं हंत ! किमजुत्तं? // 640 // एएणं नाएणं चउरिदिअमाइओऽवगंतव्वा / एगिदिअपज्जंता जीवा पच्छाणुपुव्वीए, // 641 // तत्थ चउरिदिआई जीवे इच्छंति पायसो सव्वे। एगिदिएसु [उ] बहुआ विप्पडिवना जओ मोहा // 642 // जीवत्तं तेसिं तउ जह जुज्जइ संपयं तहा वोच्छं। सिद्धं पि अ ओहेणं संखेवेणं विसेसेणं // 643 // आह नणु तेसि दीसइ दव्विंदिअमो ण एवमेएसिं।' तं कम्मपरिणईओ न तहा चउरिदिआणं व // 644 // मंसंकुरो इव समाणजाइरूवंकुरोवलंभाओ। पुढवीविद्दुमलवणोवलादओ हुंति सच्चित्ता // 645 // भूमीखयसाभाविअसंभवओ दद्दुरो व जलमुत्तं / अहवा मच्छो व्व सभाववोमसंभूअपायाओ // 646 // आहाराओ अणलो विद्धिविगारोवलंभओ जीवो। अपरप्पेरिअतिरिआणिअमिअदिग्गमणओ अनिलो . // 647 // 54
